Prafiesar Karpaŭ: Ludziam, jakija chvareli na kavid, nie varta zaciahvać z vakcynacyjaj
Ludziam, jakija chvareli na kavid, nie varta zaciahvać z vakcynacyjaj, zajaviŭ doktar miedycynskich navuk, prafiesar Ihar Karpaŭ u efiry Biełaruskaha radyjo.
«Časta pytajucca, ci treba pryščaplacca tym, chto pierachvareŭ. Adkaz adnaznačny: treba. Kali čałaviek nie choča iści praz dva tydni, chaj heta budzie praź miesiac, paŭtara miesiaca, u bolš poźni termin, ale heta abaviazkova treba rabić. Nie treba adkładać u doŭhuju skryniu pytańni, źviazanyja z vakcynacyjaj», — skazaŭ Ihar Karpaŭ.
Havoračy ab nieabchodnaści vakcynavacca ludziam, jakija pieranieśli insult, inšyja sardečna-sasudzistyja zachvorvańni i znachodziacca ŭ davoli ciažkim stanie, prafiesar padkreśliŭ: pryščapicca im taksama varta. Ihar Karpaŭ zaŭvažyŭ, što ŭ hetym vypadku mahčymyja pabočnyja efiekty nieparaŭnalnyja z ryzykami samoha zachvorvańnia na COVID-19. Paśla pryščepki moža być adnadzionny, u krajnim vypadku dvuchdzionny ŭzdym tempieratury. Kali ž nie vakcynavacca, jość ryzyka ciažka zachvareć, asabliva heta niebiaśpiečna dla pažyłych ludziej.
Havoračy ab vakcynacyi dziaciej, prafiesar zaŭvažyŭ, što mnohija krainy zaraz iduć na heta. «Nazapašana dastatkova šmat danych. Ja dumaju, što i my pryjdziem da hetaha taksama», — skazaŭ jon.
Ihar Karpaŭ vykazaŭsia i ab inšych mierach prafiłaktyki. Nie stracili aktualnaści maski. «Naadvarot, u pieryjad pavyšeńnia zachvorvańnia jany nadzvyčaj patrebnyja. Kali jość rašeńnie nie štrafavać za ich adsutnaść, heta nie značyć, što ich nie treba nasić. Pierš za ŭsio treba adčuvać adkaznaść za svajo zdaroŭje i zdaroŭje blizkich ludziej», — adznačyŭ jon.
Zrešty, pa słovach zahadčyka kafiedry, masku treba nasić pravilna, u mnohich ža jana nie zakryvaje nos.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary