U łukašenkaŭskim analityčnym centry zaniepakoilisia zachavańniem samaidentyčnaści. Ale nie biełarusaŭ, a ŭkraincaŭ
Dla biełaruskich uładaŭ pryniać ukraincaŭ značyć vyratavać ich. Tak u efiry «Alfa Radyjo» prakamientavaŭ vydaču biełaruskaha hramadzianstva 448 ukraincam analityk praŭładnaha analityčnaha centra «Biełaruski instytut stratehičnych daśledavańniaŭ» Alaksiej Aŭdonin.
«Hetaje rašeńnie kiraŭnika dziaržavy važna traktavać z punktu hledžańnia fiłasofii, razumieńnia historyi jak nieparyŭnych padziej i praciahłaha pracesu. Narody Biełarusi, Ukrainy, Polščy słavianskija. Kali na terytoryi Ukrainy adbyvajecca zachop palityčnaj ułady i nasadžeńnie niepažadanaj dla naroda palityki, to dla nas pryniać ukraincaŭ — heta vyratavać ich», — skazaŭ praŭładny analityk.
Pry hetym jon padkreśliŭ, što ŭ Biełarusi naceleny na toje, kab zachavać samaidentyčnaść ukrainskaha naroda. «My nie dajom mahčymaści źniščyć savieckaje minułaje i suviaź ichniaha braterskaha naroda z našym. Prymajučy ŭkraincaŭ, my zachoŭvajem ich nacyjanalny, histaryčny i kulturny kod», — adznačyŭ Aŭdonin.
Kamientary