Na mužčynu ŭzbudzili kryminalnuju spravu za fotazdymak u nacysckaj formie. Fota było zroblenaje padčas zdymak mastackaha filma
54-hadovaha žychara Rečycy Uładzimira Pradkina vinavaciać pa art. 130 KK RB (raspalvańnie rasavaj, nacyjanalnaj, relihijnaj albo inšaj sacyjalnaj varožaści), paviedamlajuć pravaabroncy.
Pa viersii śledstva, Pradkin raźmiaściŭ na staroncy ŭ «VK» fotazdymak siabie ŭ formie niamieckaha aficera, jaki byŭ zrobleny padčas zdymak mastackaha filma ŭ Rasii, pad Maskvoj.
Aproč hetaha, mužčynie pastavili ŭ vinu raźmiaščeńnie ŭ «VK» knihi ź miemuarami nacysckaha hienierała i kamientaryi ŭ «Adnakłaśnikach», dzie mužčyna nibyta chvalić Hitlera.
Pradkina zatrymali supracoŭniki Homielskaha HUBAZiK 9 śniežnia, kali jon vychodziŭ sa svajho padvorka, praviali ŭ jaho chacie pieratrus, zabrali telefon i noŭtbuk.
Uładzimira Pradkina źmiaścili na try dni ŭ IČU (Izalatar časovaha ŭtrymańnia), a potym adpuścili pad padpisku ab niavyjeździe i naležnych pavodzinach.
«Liču, što heta milicejskaje samavolstva, — kamientuje Uładzimir Pradkin. — Heta sapraŭdnaje biezzakońnie. Kali čałaviek nie moža vykazać svajo mierkavańnie publična — heta niejkaje varvarstva. Pa adčuvańniach, u Biełarusi nastupiŭ 1937 hod».
Pradkin tłumačyć, što kala 10 hod tamu jon padpracoŭvaŭ u Rasii na zdymkach mastackich, histaryčnych filmaŭ i rabiŭ tam fotazdymki.
Nakont miemuaraŭ niamieckaha hienierała, jakija jon vykłaŭ u sacsietki, mužčyna tłumačyć, što jon cikavicca historyjaj i jamu było cikava, jak nacysty rabili svaje złačynstvy i čym apraŭdvalisia.
Na sajcie Ministerstva justycyi, dzie źmieščany pieralik usich materyjałaŭ, jakija pryznanyja ekstremisckimi i zabaronienymi dla zachoŭvańnia i raspaŭsiudžvańnia, tych miemuaraŭ niamieckaha hienierała niama.
Pradkin admoviŭsia ad dziaržaŭnaha advakata i maje namier baranić siabie sam.
«Ja ničoha surjoznaha ŭ hetych abvinavačańniach nie baču, — kaža Uładzimir. — Jany na takich hniłych padporkach, što advakat zališni. Sud va ŭsim raźbiarecca».
Sankcyi art. 130 KK RB, pa jakim vinavaciać Uładzimira Pradkina, praduhledžvajuć štraf, aryšt, abmiežavańnie i pazbaŭleńnie voli terminam da 5 hod.
Biełaruski historyk: «Zakon «Ab hienacydzie biełaruskaha naroda» — heta čysta represiŭny zakon»
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva51
Kamientary