Abvał tureckaj liry adčujuć na sabie łasuny va ŭsim śviecie
U pačatku 2021 hoda adbyłosia rekordnaje padzieńnie kursu tureckaj liry, jana patańnieła adnosna dołara amal udvaja. Siarod tych, pa kim heta mocna ŭdaryć — tureckija fiermiery, jakija zajmajucca vyroščvańniem funduka, lasnych arechaŭ. A razam ź imi adčujuć ich prablemy i łasuny ŭsiaho śvietu.
Adbyvajecca tak tamu, što vytvorcy funduka sutyknulisia z surjoznym rostam vydatkaŭ. Mnohija ŭhnajeńni, nasieńnie i piestycydy, što ŭvoziacca z-za miažy za valutu, u tureckich lirach stali kaštavać našmat daražej. Tamu značna pavialičycca i sabiekošt pradukcyi, a kali na ŭsim aščadžać — to źmienšacca ŭradžai. Kali vyroščvańnie arechaŭ stanie nierentabielnym, to fiermiery buduć zhortvać ich vytvorčaść.
I heta moža, jak śćviardžaje The Wall Street Journal, pryvieści da deficytu funduku va ŭsim śviecie. Bo Turcyja — jaho najbujniejšy vytvorca ŭ suśvietnym maštabie. Na hetuju krainu prypadaje 70% usich pastavak, a ŭ vyroščvańni lasnych arechaŭ zaniatyja kala čatyroch miljonaŭ žycharoŭ Turcyi.
Bolš za tracinu tureckich arechaŭ zakuplaje italjanskaja karparacyja Ferrero, jakaja vyrablaje ź ich vykarystańniem šakaładnuju pastu Nutella, a taksama cukierki i šakaładnyja batončyki. Voś spažyŭcy takoj pradukcyi i adčujuć tureckija ekanamičnyja prablemy na ŭłasnaj kišeni. Navat kali pra prablemy turkaŭ ničoha nie viedajuć i viedać nie chočuć.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary