Jeŭropa, Maldyvy i Rasija pa košcie Maldyvaŭ. Što čakaje biełaruskaha turysta ŭ 2022 hodzie

Pačniom z pazityvu: Lilija i, pa jaje słovach, inšyja ekśpierty z turystyčnaj haliny miarkujuć, što budučy hod budzie nie horšy, čym składany 2021-y.

— Da śniežnia śfiera turyzmu ŭ Biełarusi, liču, pryjšła choć da niejkaj stabilnaści: za dva hady pandemii i prablem z avijaznosinami vyznačylisia napramki, pa jakich biełarusy mohuć i chočuć lotać. My ličym, što hetyja maršruty zastanucca najbolš zapatrabavanymi i ŭ nastupnym hodzie.

Samymi papularnymi ŭ 2021 hodzie ŭ našych turystaŭ byli:

• Turcyja;
• Jehipiet;
• Hruzija;
• AAE;
• Maldyvy.

— U biełaruski top upieršyniu ŭvajšoŭ luks-napramak — Maldyvy, — kaža ekśpiert. — Sioleta tolki ŭ pieršym paŭhodździ tam adpačyła bolš za tysiaču biełarusaŭ. Takoha nie było nikoli, usio ž košt turaŭ davoli vysoki. Padobna, što Maldyvy zamianili nam darahija jeŭrapiejskija napramki — tury ŭ Hrecyju, Italiju i inšyja krainy.

Pavialičyć

Ekśpierty ličać, što kali ŭ nacyjanalnaha avijapieravozčyka budzie dastatkova samalotaŭ i kali dla nas nie adkryjucca inšyja pryvabnyja napramki, to ŭ 2022 hodzie biełarusy buduć adpačyvać u hetych krainach jašče čaściej — pa papiarednich prahnozach, abjom palotaŭ uzraście na 5-10%. Praŭda, heta ŭsio adno dazvolić vyjści tolki na 40-45% abjomu dakavidnaha 2019 hoda. Z takim vynikam halina jašče vielmi dalokaja ad adnaŭleńnia.

Usie napramki buduć raści z roznaj chutkaściu, miarkujuć ekśpierty. Kali kazać pra pracentny pryrost, to lidaram pavinna stać Hruzija, zatym — Emiraty, Turcyja i Jehipiet. Kali ličyć pryrost u ludziach, to bolš za ŭsio pavinna pryraści Turcyja, zatym — Jehipiet, Hruzija i Emiraty.

Dla tych, chto moža dazvolić sabie ekzotyku

— Dalokija napramki mocna zaležać ad epidemičnaj situacyi ŭ kankretnych rehijonach: niekatoryja krainy časta adkryvajucca-zakryvajucca, mianiajuć praviły ŭjezdu. Heta, viadoma, adpužvaje turystaŭ, u adroźnieńnie ad tych ža Turcyi i Jehipta, jakija dva hady byli stabilnyja pa ŭmovach ŭjezdu, — tłumačyć Lilija Kobzik.

Papularnymi ŭ 2022 hodzie, ličyć ekśpiert, buduć:

• Maldyvy;
• Šry-Łanka;
• Daminikana;
• Kuba;
• Tanzanija (vostraŭ Zanzibar);
• Tajłand i Vjetnam (kali jany adčyniacca dla turystaŭ);
• Mieksika;
• Vieniesueła.

— Vieniesueła ciapier stanovicca vielmi pryvabnym napramkam. Jaje vostraŭ Marharyta — žamčužyna Karybskaha mora. 13 hadzin palotu z Maskvy — i my tam. Heta kurortnaja stalica krainy, na vostravie asablivyja ŭmovy dla turystaŭ — u pryvatnaści, maksimalnaja ŭvaha nadajecca pytańniam biaśpieki.

Pavialičyć

Pytańni ź pieralotami vyrašajucca (i pakul buduć vyrašacca) tak: na dalokija kirunki biełarusy lotajuć z dapamohaj stykovačnych rejsaŭ Turkish Airlines i Flydubai.

Taksama našy hramadzianie znoŭ stali pryhladacca da vyletaŭ z Maskvy.

Što budzie z palotami ź Biełarusi

U druhoj pałovie 2021 hoda častku fłotu «Biełavija» daviałosia viarnuć lizinhadaŭcam praz sankcyi, pad jakija trapiŭ nacyjanalny avijapieravozčyk. Biełarusam naohuł budzie na čym lotać na adpačynak?

— Da kanca hoda ekśpierty turhaliny ŭsio ž sychodziacca ŭ mierkavańni, što «Biełavija» znojdzie vychad. Mahčyma, źjaviacca rasijskija barty — i na ich my budziem lotać u RF. A tyja «Boinhi», što zastalisia, palaciać u inšych kirunkach. Ci avijapark papoŭnicca novymi samalotami praz kitajskija ci rasijskija lizinhavyja kampanii… Uvohule, zdajecca, fatalnaha niedachopu bartoŭ nie budzie. Na tuju nievialikuju kolkaść napramkaŭ, jakaja ŭ nas zastałasia, chopić. Prosta ciapier, nakolki mnie viadoma, vykanańniu zimovych i viasnovych prahram avijakampanii «Biełavija» ničoha nie pahražaje.

Ci ŭbačym Jeŭropu?

— My nie stavim kryž i na Jeŭropie — kali, viadoma, znoŭ nie ŭmiašajecca kavid, — kaža Lilija Kobzik. — Dla turystaŭ jana adkryvajecca ŭsio bolš. My ŭžo možam prylacieć u Ispaniju, vakcynavaŭšysia kitajskaj Vero Cell ad Sinopharm, u Hrecyju abo Čarnahoryju — z pryščepkaj «Sputnik V» i testam PŁR. Tudy my lotajem z dapamohaj Turkish Airlines. Takaja mahčymaść była i minułym letam, ale turystam było niazvykła: zamiest taho, kab vylecieć ź Minska i praz paru hadzin pryziamlicca ŭ Hrecyi ci Ispanii, jak heta było pry niepasrednym złučeńni, davodzicca doŭha dabiracca sa stykoŭkaj. Ale, dumaju, biełarusy pryvyknuć.

Padobna na toje, što pajedziem u Rasiju

Ekśpierty ličać, što ŭ 2022-m biełaruskija turysty znoŭ paviernucca ŭ bok Rasii.

— My pierastali masava razhladać RF u śfiery turyzmu. Hady, a moža i dziesiacihodździ, byli papularnymi inšyja napramki. Ale ciapier źjavilisia cikavyja prapanovy — raście i popyt. Uzimku ŭ biełarusaŭ užo zapatrabavanyja sočynskija harnałyžnyja kurorty Krasnaja Palana i Roza Chutar. Uletku, dumaju, vyraście papularnaść adpačynku ŭ Sočy. Mahčyma, da siezona tudy pojduć i aŭtobusnyja čartary — jak raniej vazili ŭ Zatoku abo Adesu.

Pavialičyć

Kruhły hod biełarusam dastupnyja ekskursijnyja prahramy ŭ Maskvu i Sankt-Pieciarburh, varta razhledzieć i tury pa Załatym kalcy Rasii.

Tym, chto moža dazvolić sabie niebiudžetny adpačynak, ekśpiert raić vyvučyć tury na Kamčatku i Bajkał.

— Rasija maje vielizarnyja mahčymaści dla padarožžaŭ — i ŭ minułym hodzie rasijanie surjozna raźviarnulisia ŭ bok unutranaha turyzmu. Takija ekzatyčnyja tury vielmi darahija, pa canie supastaŭnyja z adpačynkam na Maldyvach, ale vydatki nie marnyja: pabyvaješ na Kamčatcy raz u žyćci — zapomniš nazaŭždy.

Pavialičyć

Ci adkryjuć naziemnyja miežy?

Usiu turśfieru nie pakidaje nadzieja, što ŭ 2022-m dla biełaruskich turystaŭ znoŭ adkryjucca jeŭrapiejskaje nieba i vyjezd praz naziemnyja miežy, kaža Lilija Kobzik.

— Rašeńnie situacyi ź miežami žyćciova važnaje dla haliny. Ich adkryćcio dla turystaŭ dazvoliła b choć trochi adnavić aŭtobusnyja maršruty — u kampanij, jakija na ich śpiecyjalizavalisia, ciapier vielmi ciažkaja situacyja. Dy i dla biełarusaŭ, jakija addajuć pieravahu aŭtobusnamu turyzmu, heta stała b vyratavańniem.

Taksama balučaje, asabliva dla rehijanalnych turahienctvaŭ, pytańnie — zakrytyja miežy z Ukrainaj. Žychary niekatorych rehijonaŭ pryvykli latać praz Kijeŭ: i tańniej, i bližej, čym ź Minska. Na žal, kaža ekśpiert, mnohija turkampanii zakryvajucca — padobna, ich čakaje dola aŭtobusnych firmaŭ.

Ale pakul, pryznajecca Lilija Kobzik, čakańni nie vielmi aptymistyčnyja.

Što budzie z padarožžami pa Biełarusi

Ekśpierty pradrakajuć ažyŭleńnie ŭjaznoha turyzmu — viadoma, pakul tolki z Rasii.

— Pad Novy hod my bačym surjozny ŭzdym turystyčnaj aktyŭnaści rasijan nie tolki ŭ biełaruskich sanatoryjach — jany amal uvieś čas prymali ludziej na azdaraŭleńnie i amal nie paciarpieli. Siońnia ž adna z najbujniejšych haścinic Minska zapoŭnienaja na navahodnija śviaty rasijskimi ekskursantami, i heta vielmi dobra.

Pavialičyć

Darečy, pa źviestkach servisu dla płanavańnia padarožžaŭ OneTwoTrip, u adychodziačym hodzie rasijanie vydatkavali na padarožžy pa Biełarusi $685 młn!

Płanavać našta nakont ujaznoha turyzmu z zachodniaha napramku ekśpiert pakul nie biarecca:

— My nie viedajem, jakija buduć źniešnija i ŭnutranyja abstaviny. U dačynieńni da Rasii siońnia prahnazavać lahčej.

Što tyčycca papularyzacyi pajezdak pa Biełarusi dla našych suajčyńnikaŭ, to ekśpierty turystyčnaj śfiery spadziajucca, što ŭ krainie jak maha chutčej uviaduć turystyčny kešbek. Takaja dziaržprahrama ŭžo dziejničaje ŭ Rasii, čakajecca, što chutka budzie pryniataja i ŭ nas.

Jak heta pracuje?

Turysty apłačvajuć kartaj padarožža pa rodnaj krainie — i atrymlivajuć viartańnie peŭnaj sumy (u Rasii — 20%, u nas pakul razhladajuć takuju ž staŭku) ad koštu.

— Kali biełarusy buduć zacikaŭlenyja i pajeduć pa krainie, heta dapamoža trymać u tonusie ŭsie tyja abjekty infrastruktury, jakija pracujuć i siońnia: hateli, haścinicy, siadziby, kafe kala trasy. A kali adkryjucca miežy i my zažyviom raniejšym žyćciom, u tym liku i ŭ śfiery turyzmu, nikomu nie pryjdziecca adkryvacca znoŭku — usie buduć na płyvu.

Što budzie z rejsami «Biełavija» i cenami na kvitki, kali tak šmat zabaronaŭ?

Turysty zabylisia ab Biełarusi. Katastrafičnyja ličby aficyjnaj statystyki

• 0
• 0
• 0
• 0
• 0
• 0
• 0
• 0