Telebačańnie Kazachstana pakazała videa z zatrymanym, jaki pryznaŭsia va ŭdziele ŭ pratestach za hrošy. Heta viadomy džazavy muzykant
Dziaržaŭnyja telekanały Kazachstana «Qazaqstan» i «Chabar 24» apublikavali ŭ siabie ŭ sacsietkach videa z zatrymanym, jaki, jak śćviardžajecca, prylacieŭ z Kyrhyzstana i atrymaŭ za ŭdzieł u pratestach 90 tysiač tenhie (prykładna 208 dalaraŭ).
Sa słoŭ hieroja rolika, 1 studzienia ź im źviazalisia «nieznajomyja ludzi», jakija prapanavali paŭdzielničać u mitynhu. Kali jon pahadziŭsia, apłacili jamu pieralot u Ałmaty i raźmiaścili jaho ŭ kvatery z hramadzianami Tadžykistana i Uźbiekistana. Zatrymany patłumačyŭ svaju zhodu ŭdzielničać u pratestach tym, što jon «biespracoŭny». Miarkujučy pa kadrach videa, mužčyna byŭ źbity.
Akazałasia, što na videa — pijanist, kiraŭnik džazavaha arkiestra ź Biškieka Vikram Ruzachunaŭ, jaki časta hastralavaŭ u Ałmaty. Jaho paznali svajaki i kalehi.
U pres-słužbie MUS Kyrhyzstana paviedamili, što muzyka sapraŭdy palacieŭ u Kazachstan uviečary 2 studzienia, kudy jaho zaprasili «dla praviadzieńnia kancertnych prahram». Pry hetym kvitok u Ałmaty kupili jašče 16 śniežnia.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary