Prezident Kazachstana abvinavaciŭ Nazarbajeva ŭ źjaŭleńni miascovych aliharchaŭ i daručyŭ ich pravieryć
Pry padtrymcy byłoha prezidenta Nursułtana Nazarbajeva ŭ Kazachstana źjaviłasia hrupa vielmi bahatych hramadzian. Pra heta zajaviŭ ciapierašni prezident Kasym-Žamart Takajeŭ padčas sustrečy z parłamientam, paviedamlaje kanał «Dožd́».
«Dziakujučy pieršamu prezidentu [Kazachstana] Jełbasy ŭ krainie źjaviłasia hrupa vielmi prybytkovych kampanij i prasłojka ludziej, bahatych navat pa mižnarodnych mierkach. Liču, što pryjšoŭ čas addać naležnaje narodu Kazachstana i dapamahać jamu na sistemnaj i rehularnaj asnovie», — zajaviŭ Takajeŭ.
Jon daručyŭ uradu skłaści śpis prybytkovych kampanij i ŭzhadnić ź imi pamier štohadovych uznosaŭ u Narodny fond krainy.
Pa słovach Takajeva, isnuje ryzyka «nieabhruntavanaha» vyvadu kapitału za miažu, u tym liku z dapamohaj zaklučeńnia niezakonnych ździełak. U suviazi z hetym jon daručyŭ pravieryć vyvad srodkaŭ asobnymi finansava-pramysłovymi hrupami.
Takajeŭ taksama daručyŭ uradu pierabudavać pracu Banka raźvićcia Kazachstana, jaki, pavodle jaho słoŭ, «praktyčna staŭ asabistym, pradstaŭlajučy intaresy asobnych finansava-pramysłovych i budaŭničych hrup».
Prezident Kazachstana nazvaŭ nieefiektyŭnaj sacyjalna-ekanamičnuju sistemu ŭ krainie, vyhadu ad jakoj u pieršuju čarhu atrymlivajuć finansava-aliharchičnyja hrupy. Takajeŭ ličyć, što alihapolii surjozna abmiežavali raźvićcio svabodnaha rynku i źnizili kankurentazdolnaść krainy.
Akramia taho, Takajeŭ abviaściŭ piacihadovy maratoryj na pavieličeńnie zarobkaŭ členaŭ urada, deputataŭ i kiraŭnikoŭ miascovych administracyj (akimaŭ).
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary