U Polščy zatrymali bandu, jakaja pieravoziła mihrantaŭ ź Biełarusi ŭ Niamieččynu. Paviedamlajecca pra miljony jeŭra
U Polščy zatrymanyja 16 čałaviek pa abvinavačvańni ŭ arhanizacyi niezakonnaj mihracyi ź Biełarusi ŭ Jeŭrapiejski sajuz.
Złačynnaja hrupa dziejničała ź vieraśnia 2021 hoda pa studzień 2022-ha. Na čale bandy stajali dva čałavieki. Pravadnikoŭ i kurjeraŭ jany nabirali praź miesiendžary z žycharoŭ pamiežnych rajonaŭ. Paśla taho, jak hrupa mihrantaŭ niezakonna pierasiakała biełaruska-polskuju miažu, ich sustrakali i pieravozili ŭ Hiermaniju, paviedamlaje polskaje pamiežnaje viedamstva.
Na złačynnuju dziejnaść «kasir» bandy vydzieliŭ 8,7 miljona jeŭra. Ź ich 4,3 miljona pajšło kurjeram na apłatu pieravozki mihrantaŭ u Niamieččynu.
Padčas pieratrusu ŭ abvinavačanych kanfiskavali 475 tysiač jeŭra, 30 tysiač dalaraŭ i 1 800 złotych.
Situacyja na biełaruska-polskaj miažy abvastryłasia 8 listapada. Tady ŭ sietcy źjavilisia videa, jak vialikaja kałona mihrantaŭ rušyła da punkta propusku «Bruzhi» na biełaruska-polskaj miažy. Pavodle infarmacyi Dziaržpahrankamiteta, ich kolkaść pieravysiła dźvie tysiačy čałaviek.
Nie dajšoŭšy 300 mietraŭ da pamiežnaha pierachodu, mihranty paviarnuli ŭ les i raźbili tam łahier. Tydzień jany pražyli ŭ lesie kala biełaruska-polskaj miažy, a 15 listapada pakinuli stychijny łahier i sabralisia ŭ punkcie propusku «Bruzhi». Pa roznych acenkach, tut znachodzilisia kala 3,5 tysiačy čałaviek.
16 listapada mihranty pasprabavali prarvacca praź biełaruska-polskuju miažu. Jany kidali ŭ polskich siłavikoŭ kamiani. Tyja ŭžyli ŭ adkaz vadamioty i ślozatačyvy haz. U vyniku sutyknieńnia jość paciarpiełyja jak z adnaho, tak i z druhoha boku. Polšča i Biełaruś raspačali kryminalnyja spravy.
Paźniej biełaruskija ŭłady raźmiaścili mihrantaŭ u łahistyčnym centry kala pamiežnaha pierachodu «Bruzhi». Dla ich repatryjacyi ź Minska arhanizoŭvali evakuacyjnyja rejsy, ale kala niekalkich socień mihrantaŭ pa-raniejšamu zastajucca ŭ centry.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary