Łukašenka zajaviŭ, što misija ADKB u Kazachstanie pakazała efiektyŭny miechanizm baraćby z kalarovym revalucyjami
Namahańni krain ADKB pa ŭrehulavańni situacyi ŭ Kazachstanie pakazali ŭsiamu śvietu ciesnyja sajuźnickija suviazi, dziejazdolnaść i patencyjał arhanizacyi, zajaviŭ Łukašenka na sustrečy ź miratvorčym kantynhientam u Mačušličach, što viarnuŭsia z Kazachstana.
«Pierakidka kantynhientu vojskaŭ krain-sajuźnic u samyja karotkija terminy likvidavała pahrozu razbureńnia dziaržavy, zabiaśpiečyła stabilizacyju situacyi i adnaŭleńnie kanstytucyjnaha paradku ŭ krainie, — cytuje słovy Łukašenki BiełTA. — Našy ahulnyja namahańni nie tolki astudzili zapał terarystaŭ i ekstremistaŭ zvonku, ale i pakazali ŭsiamu śvietu ciesnyja sajuźnickija suviazi, dziejazdolnaść i patencyjał Arhanizacyi Damovy ab kalektyŭnaj biaśpiecy».
Jon zaŭvažyŭ, što apieracyja ŭ Kazachstanie stała pieršym vypadkam, kali miratvorčyja siły ADKB byli realna zadziejničanyja dla zabieśpiačeńnia biaśpieki, stabilnaści i cełasnaści adnoj ź dziaržaŭ-členaŭ.
«Pośpiech vašaj misii možna rasceńvać jak źjaŭleńnie efiektyŭnaha miechanizmu baraćby z tak zvanymi kalarovymi revalucyjami», — zajaviŭ jon.
«Vy z honaram vykanali zadačy pa harantavańni biaśpieki najvažniejšych dziaržaŭnych i vajennych abjektaŭ Kazachstana, unieśli svoj značny ŭkład u stabilizacyju abstanoŭki ŭ krainie. Siońnia na vas raŭniajucca vajskoŭcy Biełarusi i Rasii. Vami hanaracca siamji i ŭvieś biełaruski narod», — źviarnuŭsia da vajskoŭcaŭ Alaksandr Łukašenka.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary