Litva ŭniesła ŭ śpis nieŭjaznych asob rasijskich vykanaŭcaŭ Natašu Karalovu i Chabiba Šarypava praz kancerty ŭ Krymie. Jany nie zmohuć naviedvać krainu da 21 studzienia 2027 hoda.
Kancert Šarypava (Chabiba), jaki pavinien byŭ adbycca ŭ Vilni ŭ niadzielu ŭviečary, admienieny. Śpiavak daviedaŭsia pra heta ŭžo ŭ darozie — jon prajšoŭ pašpartny kantrol, ale ŭ samalot jaho nie puścili, raspavioŭ Šarypaŭ u svaim instahramie, piša RBK.
Paźniej jon paćvierdziŭ admienu kancerta, adznačyŭšy, što ŭ jaho byŭ dazvoł ad Ministerstva kultury Litvy i viza na ŭjezd.
Pradstaŭnik arhanizataraŭ kancerta paviedamiŭ, što arhumientam zabarony na ŭjezd dla śpievaka staŭ kancert dla dziaciej u Sievastopali.
Pa danych LRT, na minułym tydni z nahody praviadzieńnia kancertaŭ Karalovaj i Chabiba ŭ Ministerstva zamiežnych spraŭ źviarnulisia staršynia parłamienckaha kamiteta pa nacyjanalnaj biaśpiecy i abaronie Łaŭrynas Kaščunas i jaho kaleha.
Kancertny dyrektar Natašy Karalovaj Maryna Narynskaja paviedamiła RBK, što kancertaŭ u Krymie ŭ śpiavački nie było. Sama Karalova zajaviła RBK, što hetaja pastanova vyklikaje tolki adnu reakcyju «ŭśmiešku z horyčču i ździŭleńniem».
«Mižvoli adčuvaješ hišpanski soram za takich pradstaŭnikoŭ ułady, jakija, prapahandujučy «svabodu», patrabujuć acenki hieapalityčnaj abstanoŭki. Boža, Nataša Karalova i hieapalityka», — zajaviła śpiavačka.
Ułady Litvy nie ŭ pieršy raz uvodziać zabarony na ŭjezd u krainu dla vykanaŭcaŭ z Rasii. U 2016 hodzie ŭ śpis «nieŭjaznych» u Litvu byŭ uklučany Aleh Hazmanaŭ, u 2019 — Hryhoryj Leps, a ŭ minułym hodzie ŭjezd na bližejšyja piać hadoŭ za pazicyju pa dałučeńni Kryma zabaranili Filipu Kirkoravu.
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary