10 dzion spatrebiłasia Biełaruskaj čyhuncy dla adnaŭleńnia anłajn-servisaŭ
Siońnia Biełaruskaja čyhunka paviedamiła ab adnaŭleńni afarmleńnia elektronnych kvitkoŭ na ciahniki haradskich i rehijanalnych linij. Niekalki dzion tamu viarnułasia mahčymaść kuplać kvitki z numaravanymi miescami.
Nahadajem, što 24 studzienia ŭ BČ adbyŭsia maštabny zboj, za jaki ŭziali adkaznaść «Kibierpartyzany».
Abjadnańnie chakieraŭ śćviardžała, što jany zašyfravali asnoŭnuju častku siervieraŭ, baz danych i pracoŭnych stancyj BČ z metaj zapavolić i parušyć pracu čyhunki, pa jakoj jeduć sastavy z rasijskimi vojskami.
Pry hetym jany dadavali, što mohuć sami viarnuć sistemu ŭ štatny režym pry ŭmovie vykanańnia nastupnaha:
— vyzvaleńnia 50 palitviaźniaŭ, jakim patrebnaja ekstranaja mieddapamoha;
— spynieńnia prasoŭvańnia rasijskich vajskoŭcaŭ pa terytoryi Biełarusi.
Zrešty, pa-sapraŭdnamu surjoznymi stali pieraboi tolki z anłajn-servisami, jakija ŭdałosia viarnuć u całkam pracoŭny stan tolki ciapier.
Kamientary