U ZŠA złačyniec 17 hadzin trymaŭ 80-hadovuju žančynu ŭ padvale. Jaje źniknieńnie zaŭvažyli, kali jana nie padzialiłasia vynikam u Wordle
Incydent zdaryŭsia ŭ noč na 6 lutaha. 80-hadovaja žančyna pračnułasia i znajšła ŭ svajoj spalni nieviadomaha raspranutaha mužčynu. Złačyniec pryhraziŭ joj nažnicami i zalez u łožak, zajaviŭšy, što jamu choładna, pra heta paviedamlaje CBS Chicago.
Paśla złačyniec zahadaŭ žančynie pajści ź im u duš i prymusiŭ jaje pryniać ź im vannu prosta ŭ načnoj kašuli. Potym mužčyna vadziŭ jaje pa pakojach, adklučajučy telefony, i ŭ vyniku zamknuŭ u padvale.
Tam žančyna rabiła praktykavańni i maršyravała, kab nie źmierznuć.
U hety čas dočki Chołt zaniepakoilisia, što maci nie padzialiłasia ź imi vynikam rašeńnia anłajn-hałavałomki Wordle, a taksama nie adkazvaje na paviedamleńni i zvanki. Jany vyklikali palicyju ŭ chatu žančyny, jakaja jaje i vyzvaliła.
Złačyncu zatrymali. Im akazaŭsia 32-hadovy mužčyna, u jakoha, jak ličyć palicyja, jość psichičnaje zachvorvańnie.
Kamientary