Conflict Intelligence Team: Jak bačna, idzie vychad rasijskich vojskaŭ na startavyja pazicyi dla mahčymaha nastupleńnia
Mižnarodnaja daśledčyckaja hrupa Conflict Intelligence Team 21 lutaha apublikavała novuju acenku situacyi kala miežaŭ Ukrainy, piša «Radyjo Svaboda».
«U apošnija dni my zaŭvažyli, što charaktar ruchu rasijskaj techniki kala miežaŭ Ukrainy rezka źmianiŭsia, — pišuć daśledčyki CIT. — Kali raniej trakavuju techniku (tanki, BMP, samachodnyja artyleryjskija ŭstanoŭki) vieźli amal vyklučna na čyhunačnych płatformach i tankavych transparciorach, to ciapier jany amal usiudy ruchajucca svaim chodam.
Bolš za toje, časta hety ruch idzie za ličanyja kiłamietry ad miažy. Tanki, inšaja technika iduć razam ź ciažkimi ahniamiotnymi sistemami, choć apošnija i adnosiacca da inšaha rodu vojskaŭ (radyjacyjnaj, chimičnaj i bijalahičnaj abarony) — bolš za ŭsio heta padobna na farmavańnie bajavych paradkaŭ bataljonnych taktyčnych hrupaŭ. My ličym, što pierakidvańnie sił ź inšych rehijonaŭ padyšło da kanca, i, jak bačna, idzie vychad na startavyja pazicyi dla mahčymaha nastupleńnia».
Akramia taho, CIT publikuje śviedčańni, što niekatoryja rasijskija sałdaty (i kantraktnaj, i terminovaj słužby) kala miažy znachodziacca ŭ ciažkich umovach: śpiać u nabitych bitma pamiaškańniach i nie atrymlivajuć centralizavanaha charčavańnia.
«Doŭha trymać vojski ŭ takich umovach niemahčyma, tamu ŭ najbližejšyja dni možna čakać albo nastupleńnia, albo častkovaha advodu vojskaŭ prynamsi ŭ tyja bujnyja łahiery, dzie my ich nazirali dahetul (na momant napisańnia hetaha paviedamleńnia nijakaha advodu my nie nazirajem)».
CIT taksama paviedamlaje, što na terytoryi centralnaj haradskoj lakarni horada Šabiekina, usiaho za 5 kiłamietraŭ ad miažy, razhornuty palavy špital, jaki moža vykarystoŭvacca ŭ vypadku nastupalnych dziejańniaŭ u Charkaŭskaj vobłaści Ukrainy.
«Dahetul my bačyli razhortvańnie špitalaŭ tolki ŭ palavych łahierach i tolki na paŭnočnym zachadzie Kryma ci ŭ Biełarusi», — pišuć daśledčyki CIT.
«Urešcie, my nazirajem pierakidvańnie inžyniernaj techniki, raniej nie ŭklučanaj u kancentracyju. U Krasnadarskim krai niepadalok ad Krymskaha mosta my zaŭvažyli vajskovyja hruzaviki ź mietaličnymi kanstrukcyjami, jakija daśledčyk Tom Bałak apaznaŭ jak siaredni aŭtadarožny razborny most SARM. Jon moža vykarystoŭvacca dla adnaŭleńnia padarvanych mastoŭ praz Dniapro abo Čanharskuju pratoku, jakaja viadzie z Kryma ŭ Chiersonskuju i Zaparožskuju vobłaści».
Usio heta daśledčyki CIT ličać śviedčańniami dalejšaj padrychtoŭki mahčymaj apieracyi Rasii suprać Ukrainy.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary