MZS Kitaja: situacyja va Ukrainie dajšła da takoha stanu, jakoha nie choča bačyć kitajski bok
Kitaj zaklikaje Rasiju i Ukrainu da pramych pieramovaŭ. Pra heta ŭ telefonnaj razmovie ź dziaržsakratarom ZŠA Entani Blinkienam zajaviŭ člen Dziaržsavieta, ministr zamiežnych spraŭ Kitaja Van I.
Baki abmianialisia mierkavańniami pa ŭkrainskim pytańni. Van I zajaviŭ, što situacyja va Ukrainie dajšła da takoha stanu, jakoha nie choča bačyć kitajski bok, paviedamlaje REFORM.by sa spasyłkaj na MZS Kitaja.
«Ukrainskaje pytańnie składanaje i zabłytanaje, jano źviazanaje nie tolki z bazavymi normami mižnarodnych adnosin, ale i ź intaresami biaśpieki ŭsich bakoŭ, nieabchodna zasiarodzić uvahu nie tolki na vyrašeńni ciapierašniaha kryzisu, ale i na doŭhaterminovy mir i stabilnaść u rehijonie», ‒ adznačyŭ Van I.
Kitaj zaklikaje pavažać i abaraniać suvierenitet i terytaryjalnuju cełasnaść usich krain, a taksama nastojvaje na mirnym urehulavańni sprečak praz dyjałoh.
«My taksama zaklikajem ZŠA, NATA, Jeŭrapiejski sajuz i Rasiju vieści raŭnapraŭny dyjałoh, supraćstajać supiarečnaściam i prablemam, jakija nazapasilisia za hetyja hady, źviarnuć uvahu na niehatyŭny ŭpłyŭ praciahłaha pašyreńnia NATA na ŭschod na biaśpieku Rasii i imknucca da stvareńnia zbałansavanaha, efiektyŭnaha i ŭstojlivaha asiarodździa biaśpieki ŭ adpaviednaści z pryncypam niepadzielnaści biaśpieki», ‒ skazaŭ kiraŭnik MZS Kitaja ŭ razmovie z kaleham z ZŠA.
Kitaj zaraz zajmaje niejtralnuju pazicyju, ale vajna va Ukrainie niepaźbiežna zakranie ekanamičnyja intaresy Kitaja ŭ Jeŭropie.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary