Zatrymali byłuju prafiesarku BDU, jakaja pracavała va ŭniviersitecie 33 hady
Havorka pra byłuju vykładčycu fiłfaku Ału Kožynavu. Pra zatrymańnie paviedamili jaje kalehi i studenty.
«Kali dakładna zatrymali, nie viedaju. Kazali, što vinavaciać u zachavańni i raspaŭsiudžvanii ekstremisckaj infarmacyi. Absurd. Ała ścipły i vielmi ščyry čałaviek. Vielmi sumlenny. Šanavany i dobry śpiecyjalist. Pałanistka. Imavierna heta taksama nie zastałosia biez uvahi ŭłady», — kaža jaje kaleha.
Ała Kožynava — prafiesarka kafiedry tearetyčnaha i słavianskaha movaznaŭstva fiłałahičnaha fakulteta BDU. Jana viadomy vučony ŭ halinie pałanistyki.
Prafiesarka skončyła fiłałahičny fakultet BDU ŭ 1985 hodzie. U 1999-m Ała Kažynava abaraniła doktarskuju dysiertacyju na temu «Teksty Kiryły Turaŭskaha. Siemantyka i struktura».
Letaś vykładčycu zvolnili z BDU pa damovie bakoŭ.
«Zastaŭsia tolki miedal za 33 hady pracy», — napisała Ała Kožynava ŭ Fejsbuku ŭ dzień zvalnieńnia.
Taksama u 2020 hodzie prafiesarka ŭdzielničała ŭ videazvarocie suprać hvałtu siłavikoŭ.
«Univiersitet — heta terytoryja svabody. Akademičnaj svabody, svabody słova, svabody dumki. Tolki ŭ takich umovach moža adbyvacca raźvićcio asoby. Kožny z nas robić siońnia svoj vybar. Padpisvać papieru, paviedamlać proźvišča studenta, havaryć ci maŭčać — kožny robić svoj vybar», — kazała jana.
Kamientary