Minabarony Rasii zajaviła, što va ŭkrainskich łabaratoryjach stavili ekśpierymienty z ŭzorami karanavirusa kažanoŭ i nie tolki
Va ŭkrainskich bijałabaratoryjach, stvoranych i finansavanych ZŠA, «pravodzilisia ekśpierymienty z uzorami karanavirusa kažanoŭ», zajaviŭ na bryfinhu aficyjny pradstaŭnik Minabarony RF Ihar Kanašenkaŭ.
U Maskvie śćviardžajuć, što analizujuć pieradadzienyja supracoŭnikami ŭkrainskich bijałabaratoryj dakumienty ab sakretnaj vajenna-bijałahičnaj dziejnaści ZŠA.
«Pavodle dakumientaŭ, amierykanski bok płanavaŭ vieści va Ukrainie ŭ 2022 pracy pa patahienach ptušak, kažanoŭ i reptylij z dalejšym pierachodam da vyvučeńnia mahčymaści pieranosu imi afrykanskaj čumy śviniej i sibirskaj jazvy», — zajaviŭ Kanašenkaŭ.
U Minabarony Rasii taksama zajavili, što paćviardžajecca fakt vypłat naŭprost ź Pientahona za ŭdzieł u daśledavańniach. «Źviartaje na siabie ścipłaja pa amierykanskich mierkach apłata pracy, heta kaža ab nizkaj acency prafiesijanalizmu ŭkrainskich śpiecyjalistaŭ», — zajavili ŭ viedamstvie.
Pavodle Minabarony, dakumienty ŭtrymlivajuć prapanovy pa pašyreńni vajenna-bijałahičnaj prahramy ZŠA na terytoryi Ukrainy. Tak, znajšłosia śviedčańnie praciahu zavieršanych bijałahičnych prajektaŭ UP-2, UP-9, UP-10, nakiravanych na vyvučeńnie ŭzbudžalnikaŭ sibirskaj jazvy i afrykanskaj čumy śviniej.
Minabarony Rasii zajaviła, što Pientahon cikaviać taksama nasiakomyja-pieranosčyki niebiaśpiečnych infiekcyj, analiz dakumientaŭ nibyta paćviardžaje fakt pieradačy ź bijałabaratoryi ŭ Charkavie za miažu bolš za 140 kantejnieraŭ z ektaparazitami kažanoŭ — błochami i klaščami.
Taksama rasijskija ŚMI paviedamlajuć, što ptušak, akalcavanych i vypuščanych u chodzie daśledavańniaŭ z Chiersonskaha zapaviednika, adłavili ŭ Ivanaŭskaj i Varoniežskaj abłaściach, śviedčać dadzienyja pratakoła
Kamientary