ZŠA papiaredžvajuć pra płany Rasii prymianić va Ukrainie chimičnuju zbroju
Ułady ZŠA bačać u rasijskaj dezynfarmacyi ab bijałabaratoryjach va Ukrainie sihnał ab padrychtoŭcy da taho, kab samim prymianić chimičnuju abo bijałahičnuju zbroju. Heta typovy pryjom Maskvy, upeŭnienyja ŭ Vašynhtonie.
Administracyja ZŠA papiaredžvaje, što Rasija, mahčyma, płanuje prymianić va Ukrainie chimičnuju ci bijałahičnuju zbroju, paviedamlaje DW.
Raspaŭsiudžvajučy iłžyvuju infarmacyju ab bijałabaratoryjach va Ukrainie, dzie, nibyta, Pientahon raspracoŭvaŭ bijałahičnuju zbroju, Maskva choča padrychtavać hlebu dla dalejšaj eskałacyi nieapraŭdanaj ahresiŭnaj vajny va Ukrainie, zajaviła ŭ sieradu, 9 sakavika, pres-sakratar prezidenta ZŠA Džen Psaki.
Rasija kirujecca akreślenaj madellu pavodzin: rychtujecca albo sama prymianić zbroju masavaha paražeńnia, albo insceniravać napad ukraincaŭ, kab stvaryć abhruntavańnie dla praciahu vajny, napisała Psaki ŭ Twitter.
Pres-sakratarka patłumačyła, što Rasija u svaju čarhu nieadnarazova vykarystoŭvała chimičnuju zbroju, naprykład, pry napadach na palityčnych supiernikaŭ prezidenta Uładzimira Pucina, u pryvatnaści, na Alaksieja Navalnaha.
Pa słovach Psaki, heta typovy pryjom, jakim karystajecca Rasija: jana abvinavačvaje Zachad u parušeńniach, jakija ździajśniaje sama.
Raniej Arhanizacyja Abjadnanych Nacyj zajaŭlała, što joj ničoha nie viadoma ab zbroi masavaha paražeńnia, nibyta vyrablenaj va Ukrainie.
Raniej Minabarony Rasii zajaviła, što va Ukrainie isnuje sietka bijałabaratoryj, jakija pracujuć u ramkach sumiesnych prahram ź Pientahonam.
Minabarony Rasii zajaviła, što va ŭkrainskich łabaratoryjach stavili ekśpierymienty z ŭzorami karanavirusa kažanoŭ
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary