Ukrainski «Enierhaatam»: Rasijskija vojski sapraŭdy pakidajuć zonu Čarnobylskaj AES
Va ŭkrainskim «Enierhaatamie» paćvierdzili učarašnija paviedamleńni, što rasijskija vojski pakidajuć Čarnobyl. U viedamstvie paviedamili, što pra svoj namier pakinuć ČAES rasijanie ranicaj skazali ŭkrainskamu piersanału stancyi. Nievialikaja kolkaść rasijskich vajskoŭcaŭ ŭsio jašče zastajecca na miescy, ale asnoŭnaja častka dźviuma kałonami rušyła da miažy ź Biełaruśsiu.
Taksama «Enierhaatam» śćviardžaje, što paćvierdziłasia i infarmacyja, što rasijskija vajskoŭcy budavali fartyfikacyjnyja zbudavańni i akopy prosta ŭ Rudym lesie — najbolš radyjacyjna zabrudnienym va ŭsioj zonie adčužeńnia. U vyniku jany atrymali značnyja dozy apramieńvańnia, i chvaroba ŭ ich užo prajaŭlajecca. Siarod inšaha ŭkrainskija enierhietyki bačać u hetym adnu z pryčyn chutkaha vyvadu.
Niekalki rasijskich sałdat, jakija kapali akopy ŭ Rudym lesie vakoł ČAES, nibyta pastupili z apramianieńniem i ŭ Biełaruski centr radyjacyjnaj miedycyny ŭ Homieli, śćviardžaŭ na padstavie svaich krynic člen Hramadskaj rady pry Dziaržaŭnym ahienctvie Ukrainy pa kiravańni zonaj adčužeńnia Jarasłaŭ Jemialjanienka. Pavodle jaho słoŭ, heta była ŭžo nie pieršaja «partyja» sałdat z apramianieńniem. Aficyjnaha paćvierdžańnia hetaj infarmacyi pakul niama.
Akramia taho, paviedamlajecca, što dla ruchu ŭ bok Biełarusi farmujecca i kałona rasijskich vajskoŭcaŭ, jakija trymali ŭ abłozie horad Słavucič, dzie žyvuć supracoŭniki Čarnobylskaj AES.
Čytajcie taksama:
Pientahon: Rasijanie pačali adstupać z rajona Čarnobylskaj AES
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary