Śviny hryp kročyć pa Biełarusi

20 žniŭnia ŭ Biełarusi vyjaŭlenyja jašče try vypadki zaražeńnia vysokapatahiennym virusam hrypu A/H1N1, pra heta paviedamlaje pres‑słužba Ministerstva achovy zdaroŭja.

Havorka pra dziaciej, što viarnulisia z azdaraŭleńnia ŭ Vialikabrytanii. Ciapier usie chvoryja prachodziać lačeńnie. Ich stan zadavalniajučy, dadaje pres-słužba Minzdaroŭja.

Nahadajem, što 19 žniŭnia tamu źjaviłasia infarmacyja pra pieršaha zachvarełaha. Heta hramadzianin Kitaja (aśpirant BDU), jaki viarnuŭsia sa svajoj radzimy z adpačynku.

Hety hramadzianin užo vyzdaravieŭ i siońnia pavinien być vypisany ź Minskaj infiekcyjnaj balnicy.

Pavodle źviestak Suśvietnaj arhanizacyi achovy zdaroŭja, ahulnaja kolkaść zachvarełych na hryp A(H1N1), u śviecie składaje 246 tys. 948 čałaviek, a hryp zafiksavany ŭ 156 krainach. 2 tys. 396 čałaviek pamierli (ZŠA - 477, Arhiencina - 404, Brazilija - 368, Mieksika - 164, Aŭstralija - 128).

U Jeŭropie najbolšaja kolkaść zachvarełych u Hiermanii (13 180 vypadkaŭ), Vialikabrytanii – 12 903, Partuhalija - 1 833, Ispanii – 1 538, Niderłandy - 1 473; Hrecyi - 1 424,

u Polščy - 153, Litvie - 47, Łatvii - 23, Estonii - 57, Rasii - 142, Ukrainie - 1 vypadak.

***

Što rabić, kali vy padazrajacie, što zachvareli na śviny hryp

Infiekcyja, vyklikanaja virusam hrypu A/N1N1, moža vyklikać šyroki śpiektr simptomaŭ, uklučajučy vysokuju tempieraturu, kašal, boli ŭ horle, boli ŭ ciele, hałaŭny bol, dryžyki i stamlalnaść.

U šerahu vypadkaŭ mieli miesca dyjareja i vanity. Jak i siezonny hryp, hryp śvińniaŭ moža varjiravać pa ciažkaści zachvorvańnia — ad lohkaj da ciažkaj formy. Infiekcyja moža vyklikać ciažkoje zachvorvańnie, uskładnienaje pnieŭmanijaj, dychalnaj niedastatkovaściu, i navat śmierć. U peŭnych hrup ludziej z bolšaj vierahodnaściu mohuć raźvicca ciažkija formy zachvorvańnia ŭ vyniku infikavańnia, u pryvatnaści, u pacyjentaŭ z chraničnymi zachvorvańniami. Časam adnačasova ci paśla infiekcyi virusami hrypu mohuć uźnikać bakteryjalnyja infiekcyi, jakija pryvodziać da pnieŭmanijaŭ, atytaŭ ci sinusitaŭ.

Jak raspaŭsiudžvajecca hryp

Ličycca, što asnoŭny šlach, pa jakim raspaŭsiudžvajucca virusy hrypu — pieradača ad čałavieka da čałavieka pavietrana‑kropielnym šlacham pry kašli i čchańni.Virusy hrypu mohuć taksama raspaŭsiudžvacca, kali čałaviek dakranajecca rukami da takich kropielnych vydzialeńniaŭ na ciele inšaha čałavieka ci na niejkim pradmiecie, a zatym, nie vymyŭšy ruki, dakranajecca rukami svajho rota ci nosa (ci rota ci nosa inšaha čałavieka).

Kali varta vyklikać chutkuju miedycynskuju dapamohu

Źviartajciesia pa miedycynskuju dapamohu nieadkładna, kali ŭ chvoraha, jaki znachodzicca doma:

‑uskładnienaje dychańnie ci boli ŭ hrudzi;
‑barvovyja albo śsiniełyja vusny;
‑vanity ci młosnaść pry pryjomie vadkaściaŭ;
‑prykmiety abiazvodžvańnia, takija jak hałavakružeńnie pry ŭstavańni, adsutnaść močavypuskańnia, adsutnaść śloz pry płačy ŭ chvoraha dziciaci;
‑prypadki (naprykład, niekantralujemyja kanvulsii);
‑panižanaja, u paraŭnańni sa zvyčajnaj, reakcyja ci zbłytanaść śviadomaści.

Papiaredžańnie! Nie davajcie aśpiryn (acetyłsalicyłavuju kisłatu) dzieciam ci padletkam pry hrypie; heta moža vyklikać redkaje, ale ciažkaje zachvorvańnie, nazvanaje sindromam Reja.

Bolš padrabiazna, čytajcie tut

• 0
• 0
• 0
• 0
• 0
• 0
• 0
• 0