U Biełarusi na siońnia bolš za 3 600 zarehistravanych fiermierskich haspadarak. Dla paraŭnańnia ŭ 2016 hodzie ich było 3 000. Pry hetym pamier siaredniaj haspadarki istotna vyras.
Z 2016 hoda da 2021 hoda płoščy fiermierskich ziamiel vyraśli na 67% da 285 000 hiektaraŭ. Z hetaha abjomu — 198 000 hiektaraŭ — ralla.
Siaredni pamier fiermierskaj haspadarki siońnia składaje 106 hiektaraŭ, piša telehram-kanał @agricultureby. Heta na 41% bolš, čym u 2016 hodzie.
Adnak, niahledziačy na heta rost, fiermiery dahetul vałodajuć tolki prykładna 3,5% ziamiel i vyrablajuć kala 2,9% sielhaspradukcyi. U krainie daminujuć vialikija i padkantrolnyja dziaržavie haspadarki, što vyraśli z byłych kałhasaŭ i saŭhasaŭ.
Samyja zapatrabavanyja fiermierami kirunki — aharodnictva i pładavodstva. Sialanie sadziać bulbu, harodninu, siejuć zbažynu, rościać płady i jahady. Žyviołahadoŭlaj fiermiery zajmajucca mała. U ahulnym abjomie vytvorčaści žyviołahadoŭčaj pradukcyi na dolu sialanskich haspadarak prypadaje mienš za 1%.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary