Amierykanski telekanał CNN apublikavaŭ novaje videa, źniataje z drona nad Bučaj, dzie rasijskaja technika jeździć pa vulicach mima ciełaŭ zabitych žycharoŭ horada, piša «Ukrainskaja praŭda».
Amierykanskija žurnalisty atrymali videa, źniataje z dronu nad Bučaj na praciahu 12 i 13 sakavika. Supracoŭniki telekanała pravieryli i paćvierdzili, što zdymki hetym dronam vialisia nad Bučaj u hetyja dni.
Na videa bačna, jak na vulicach lažać cieły ludziej u tym samym adzieńni, što było i na tych trupach, što byli znojdzienyja ŭkrainskimi vajskoŭcami i mižnarodnymi žurnalistami 1—3 krasavika paśla vyzvaleńnia horada ad rasijskaj akupacyi. Rasijskaja vajskovaja braniatechnika i vajskoŭcy prosta chadzili mima hetych ciełaŭ u hetyja dva dni.
Heta čarhovaje paćviardžeńnie taho, što zabojstva hetych mirnych žycharoŭ u Bučy adbyłosia ŭ toj čas, kali horad znachodziŭsia pad rasijskaj akupacyjaj, i hetym samym abviarhajecca śćviardžeńnie rasijskich uładaŭ pra pravakacyju i insceniroŭku.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary