Adtok kadraŭ z IT-cfiery bje rekordy. U sakaviku jon skłaŭ bolš za 1000 čałaviek
Pabityja rekordy pa kolkaści zvolnienych ajcišnikaŭ Ź IT-kampanij. U pieršym kvartale hetaha hoda adbyŭsia rekordna vialiki adtok śpiecyjalistaŭ. Asnoŭny «ŭkład» unios miesiac sakavik, jaki staŭ taksama rekordnym pa kolkaści zvolnienych ajcišnikaŭ, piša dev.by.
Pavodle źviestak aficyjnaj statystyki, u studzieni—lutym ź IT-kampanij syšło bolš za 2,4 tysiačy śpiecyjalistaŭ.
I amal stolki ž zvolniłasia za adzin sakavik. U paraŭnańni z sakavikom minułaha hoda, kolkaść zvolnienych vyrasła na 85%. Tak šmat śpiecyjalistaŭ za adzin miesiac z kampanij nikoli nie sychodziła.
Da hetaha maksimalnaja kolkaść ajcišnikaŭ była zvolnienaja ŭ žniŭni minułaha hoda — 1 734 čałavieka. Raniejšy rekord pabity na 38,5%.
Na dynamiku zvalnieńniaŭ mahli paŭpłyvać sankcyi ŭ dačynieńni da Biełarusi praz vajnu va Ukrainie i admova zamoŭcaŭ pracavać z kampanijami ź Biełarusi.
Situacyja z najmańniem na pracu ŭ sakaviku taksama pahoršyłasia.
Za hety miesiac IT-kampanii pracaŭładkavali 1387 śpiecyjalistaŭ — na 7% mienš, čym u studzieni, i na 14% mienš, čym u lutym. Adnosna sakavika minułaha hoda kolkaść pracaŭładkavanych śpiecyjalistaŭ skaraciłasia na 14%.
Bolš za toje, za apošnija 15 miesiacaŭ tolki ŭ studzieni i lutym minułaha hoda kampanii naniali mienš supracoŭnikaŭ, čym u sakaviku hetaha hoda.
Usiaho za pieršy kvartał IT-kampanii ŭziali na pracu amal 4,5 tysiačy śpiecyjalistaŭ — na 17% bolš, čym za taki ž pieryjad minułaha hoda, dziakujučy studzieniu i lutamu. Zvolniłasia ź IT-kampanij u studzieni-sakaviku amal 4,9 tysiačy śpiecyjalistaŭ — na 38% bolš, čym za anałahičny pieryjad 2021 hoda.
U cełym za studzień-sakavik ź IT-kampanij zvolniłasia na 8,5% bolš śpiecyjalistaŭ, čym pracaŭładkavałasia.
Čysty adtok kadraŭ (roźnica pamiž pryniatymi i zvolnienymi śpiecyjalistami) skłaŭ amal 380 čałaviek.
U sakaviku čysty adtok — bolš za 1000 čałaviek. Heta samy vialiki adtok śpiecyjalistaŭ na praciahu miesiaca za apošnija niekalki hadoŭ.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie21
Kamientary