U Minsku na miescy daŭhabuda na praśpiekcie Dziaržynskaha źjavicca elitny žyły dom
U Minsku adnaviłasia budaŭnictva žyłoha doma premium-kłasa na skryžavańni praśpiekta Dziaržynskaha i vulicy Rozy Luksiemburh, jaki pavinny byli zdać u ekspłuatacyju jašče letaś, paviedamlajuć «Minsk-Naviny».
Budaŭnictva žyłoha doma MOD house, raźmieščanaha na skryžavańni praśpiekta Dziaržynskaha i vulicy Rozy Luksiemburh, pačałosia vosieńniu 2019 hoda. Abjekt płanavali zdać u 2021-m, ale nie skłałasia — u kancy 2020-ha realizacyja prajekta była pastaŭlena na paŭzu. Adnak u krasaviku hetaha hoda budaŭničyja pracy adnavilisia.
MOD house — heta prajekt hrupy kampanij «Tapas», jaki jana vykupiła ŭ inšaha zabudoŭščyka jašče na pačatkovaj stadyi. Jon ujaŭlaje saboj manalitny žalezabietonny karkasny budynak vyšynioj u 23 pavierchi, dzie raźmieściacca 96 kvater i parkinh na 111 mašynamiescaŭ.
Ciapier vykonvajucca raboty pa ŭźviadzieńni manalitnych kanstrukcyj parkinha: padmurkaŭ, kałon, ścien. Taksama śpiecyjalisty zajmajucca prakładkaj vonkavych inžyniernych sietak.
Adnaviŭsia i prodaž kvater. Košty za kvadratny mietr u dvušcy varjirujucca ad 1650 da 1720 dalaraŭ u ekvivalencie, u trochpakajovych — ad 1400 da 1750 dalaraŭ, u čatyrochpakajovych — ad 1570 da 1700. Abjekt płanujuć uvieści ŭ ekspłuatacyju nie paźniej za žnivień 2023 hoda.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami55
Kamientary