Śviet22

Jak Kreml vydaje staryja videa z Pucinym za novyja sustrečy, u tym liku i pierad sustrečaj z Uitkafam

Dokazy taho, što Kreml padaje zahadzia zapisanyja videa z Uładzimiram Pucinym — «kansiervy» — jak śviežyja, znajšła «Sistema», rasśledavalnicki prajekt «Nastojaŝieho vriemieni» i «Radyjo Svaboda».

U kabiniecie Uładzimira Pucina ŭ Sienackim pałacy Kramla pamiž 17 i 24 lutaha 2025 hodu adbylisia niezaŭvažnyja na pieršy pohlad źmieny. Na knižnych palicach za jahonaj śpinaj, jakija traplajuć u abjektyvy kamier u časie pryjomaŭ, pamianiali rasstanoŭku knih: źjavilisia novyja vydańni, a Kanstytucyja Rasii pieramiaściłasia z pravaj častki šafy ŭ levuju.

Da hetaha raskładka knih mianiałasia tolki niaznačna. Fota z raniejšaj raskładkaj možna znajści na zdymkach 2016 hodu, jana ž zafiksavanaja na panaramnaj zdymcy kabinietu, jakuju ŭ 2019-m apublikavała vydańnie Life, piša «Sistiema».

Paśla lutaha 2025 hodu Pucin bolš za sorak razoŭ prymaŭ u svaim kabiniecie hubiernataraŭ, ministraŭ i kiraŭnikoŭ dziaržaŭnych kampanijaŭ. Prynamsi na adnym kadry pratakolnaj zdymki z hetych sustreč možna razhledzieć novuju knižnuju raskładku.

Adnak u piaci vypadkach raskładka knih niby viarnułasia da raniejšaha paradku.

Heta moža być prykmietaj taho, što Kreml vydavaŭ za aktualnyja padziei zahadzia padrychtavanyja zapisy, zroblenyja da 24 lutaha, — heta značyć publikavaŭ tak zvanyja «kansiervy».

Vykarystańnie zahadzia padrychtavanych zapisaŭ dla publikacyi ŭ inšy dzień — davoli raspaŭsiudžanaja praktyka Kramla. Časam heta źviazana z zdaroŭjem Pucina, časam — ź jahonym žadańniem adpačyć ad publičnaści.

Kali pahladzieć na publičnyja zachady z udziełam Pucina z 2 pa 10 krasavika 2025 hodu, kidajecca ŭ vočy brak hrupavych sustreč i masavych padziejaŭ. Ale pry hetym vyjšli čatyry videa, jakija, jak padazrajuć rasśledavalniki, zapisvalisia ŭ inšy dzień. Na ludziach za miežami Kramla Pucin źjaviŭsia tolki 11 krasavika, kali ŭ Sankt-Pieciarburhu jon pryniaŭ śpiecyjalnaha pradstaŭnika prezidenta ZŠA Styva Uitkafa.

Vykarystańnie jašče adnoj «kansiervy» ŭ traŭni moža być źviazana z asabistym žyćciom Pucina. Reč u tym, što 12 traŭnia, kali Pucin nibyta sustrakaŭsia z hubiernataram Ivanaŭskaj vobłaści Stanisłavam Vaskrasienskim, svoj 42-hi dzień naradžeńnia śviatkavała Alina Kabajeva, šmathadovaja partniorka Pucina i maci jaho synoŭ (i toje, i druhoje Kreml sprabuje trymać u sakrecie).

Kamientary2

  • daviedka
    26.08.2025
    V viestiach pokazali momient, kak Tramp diemonstrirujet ich sovmiestnoje foto s Alaski, hdie Putin śliškom strojnyj, i na etot frahmient nałožili riealnoje vidieo s nim.
  • Josik
    26.08.2025
    [Red. vydalena]

Ciapier čytajuć

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Usie naviny →
Usie naviny

Michalevič: Całkam vierahodna, što Kotava vyvieźli z Turcyi ŭ bahažniku5

Jeŭrapiejskija lidary abmiarkoŭvajuć stvareńnie 40-kiłamietrovaj bufiernaj zony na terytoryi Ukrainy1

Prodažy «Tesły» ŭ Jeŭropie katastrafična ŭpali. I vinavaty ŭ hetym kitajcy9

Prezident Partuhalii nazvaŭ Trampa «abjektyŭna savieckim abo rasijskim aktyvam»33

«Alimavič! U nas Pulva!» Mer biełaruskaha horada pierabłytaŭ nazvu adzinaj raki, jakaja praź jaho ciače6

Hrodzienski «Nioman» razhromna prajhraŭ «Raja Valjekana» ź likam 0:44

U ZŠA i Hiermanii kanstatavali, što pieramoŭ pamiž Rasijaj i Ukrainaj najbližejšym časam nie budzie1

«Heta vypadkova nie Ibica?» Łahier «Zubrania» pakazaŭ, jak u im prachodziać dziciačyja dyskateki4

Dziaržava ŭziała pad kantrol kampaniju, dzie raniej zapraŭlała siamja źbiehłaha eks-prezidenta Kyrhyzstana3

bolš čytanych navin
bolš łajkanych navin

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia54

Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić