U Homielskaj vobłaści ŭ červieni projduć mabilizacyjnyja vučeńni
U Homielskaj vobłaści z 22 červienia pa 1 lipienia buduć prachodzić płanavyja vučeńni z vajennymi kamisaryjatami. Pra heta paviedamiŭ žurnalistam vajenny kamisar Homielskaj vobłaści Andrej Kryvanosaŭ, piša BiełTA.
Havorka idzie ab płanavych mabilizacyjnych vučeńniach z vajennymi kamisaryjatami i arhanizacyjami Uzbrojenych sił, jakija dysłakujucca na terytoryi rehijona.
Pavodle Kryvanosava, mierapryjemstvy takoha rodu tradycyjna pravodziacca dla pavyšeńnia ŭzroŭniu bajavoj i mabilizacyjnaj hatoŭnaści vajennych kamisaryjataŭ, udaskanaleńnia vajennych viedaŭ i praktyčnych navykaŭ vajennaabaviazanych.
Zbory akumulujuć usie rajony vobłaści.
Andrej Kryvanosaŭ taksama raskazaŭ, što padčas vučeńniaŭ budzie abmiežavany ruch pa asobnych terytoryjach, prylehłych da abjektaŭ Uzbrojenych sił. Zapłanavanyja zaniatki pa ahniavoj padrychtoŭcy na strelbiščach vobłaści.
«Kab paźbiehnuć niaščasnych vypadkaŭ prosim hramadzian u hety pieryjad nie nabližacca da strelbišča i nie zachodzić za miažu, paznačanuju pakazalnikami na miascovaści, prylehłaj da jaho terytoryi», — adznačyŭ vajenkam.
Taksama ŭ Žłobinskim rajonie z 28 červienia pa 16 lipienia zapłanavanyja vajennyja zbory z vajennaabaviazanymi dla terytaryjalnych vojskaŭ.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary