Daniłaŭ: Chrenin i Łapo za dva dni da ŭvarvańnia pierakonvali, što Rasija nie pojdzie praz terytoryju Biełarusi
«Na vialiki žal, sapraŭdy, my ličyli, što z terytoryi Biełarusi nie budzie taho napadu, jaki, na žal, adbyŭsia», — zajaviŭ kiraŭnik Rady nacyjanalnaj biaśpieki i abarony Alaksiej Daniłaŭ.
«Na vialiki žal, sapraŭdy, my ličyli, što z terytoryi Biełarusi nie budzie taho napadu, jaki, na žal, adbyŭsia. Bolš za toje, za dva dni da vajny naš ministr abarony razmaŭlaŭ ź ministram abarony Biełarusi. I jany zapeŭnivali, što ni ŭ jakim razie hetaha nie budzie. Naš hałoŭny pahraničnik za dzień da [napadu] razmaŭlaŭ z hałoŭnym pahraničnikam Biełarusi. Jon kaža, navat nie dumajcie sabie, što my budziem u hetym udzielničać, što z našaj terytoryi na vas niechta pojdzie. Ale jany pajšli nie tolki z hetaha boku, jany pajšli pa ŭsioj miažy», — skazaŭ Alaksiej Daniłaŭ u intervju «Ukrinfarm».
Daniłaŭ taksama acaniŭ apošnija rašeńni Łukašenki pa stvareńni Paŭdniovaha apieratyŭnaha kamandavańnia.
«My ŭśviedamlajem pahrozu, jakaja moža isnavać ź jaho boku. Na žal, tam, akramia hetaha rašeńnia, užo raźmieščanyja rasijskija «Iskandery», i ŭzrovień pahrozy z taho boku nam zrazumieły», — skazaŭ jon.
Kamientary