Bajden napisaŭ kałonku, u jakoj paabiacaŭ Ukrainie sučasnuju zbroju
Hazieta The New York Times apublikavała kałonku prezidenta ZŠA Džo Bajdena pra toje, što Amieryka budzie i nie budzie rabić va Ukrainie.
Fota: AR
Voś klučavyja tezisy:
- Meta Amieryki prostaja. My chočam bačyć demakratyčnuju, niezaležnuju, suvierennuju i kvitniejučuju Ukrainu, zdolnuju abaranicca ad dalejšaj ahresii.
- My praciahniem pastaŭlać Ukrainie sučasnaje ŭzbrajeńnie, u tym liku supraćtankavyja rakiety Javelin, zienitnyja rakiety Stinger, mahutnyja artyleryjskija i vysokadakładnyja rakietnyja kompleksy, radary, bieśpiłotnyja latalnyja aparaty, viertaloty Mi-17 i bojeprypasy. My nakirujem jašče miljardy dołaraŭ u vyhladzie finansavaj dapamohi Ukrainie, jak heta sankcyjanavana Kanhresam.
- My nie imkniomsia da vajny pamiž NATA i Rasijaj. Niahledziačy na toje, što ja nie zhodny sa spadarom Pucinym i znachodžu jaho dziejańni aburalnymi, Złučanyja Štaty nie buduć sprabavać damahčysia jaho źviaržeńnia ŭ Maskvie.
- Da taho času, pakul Złučanyja Štaty abo našy sajuźniki nie padvierhnucca napadu, my nie budziem naŭprost udzielničać u hetym kanflikcie, ni adpraŭlajučy amierykanskija vojski vajavać va Ukrainu, ni atakujučy rasijskija siły. My nie zaachvočvajem i nie dazvalajem Ukrainie nanosić udary za jaje miežami.
- Ja viedaju, što mnohija ludzi va ŭsim śviecie zaniepakojenyja prymianieńniem jadziernaj zbroi. Ciapier my nie bačym nijakich prykmiet taho, što ŭ Rasii jość namier prymianić jadziernuju zbroju va Ukrainie, chacia pieryjadyčnaje razmachvańnie jadziernaj dubinaj samo pa sabie niebiaśpiečnaje i nadzvyčaj biezadkaznaje.
- Uładzimir Pucin nie čakaŭ ad nas takoj stupieni adzinstva. Jon pamylaŭsia. Kali jon čakaje, što ŭ najbližejšyja miesiacy my źmienim pazicyju ci ŭ našych šerahach źjavicca raskoł — jon taksama pamylajecca.
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?7
Kamientary