Dźviuch siaścior u Minsku asudzili za akcyi pratestu. Abiedźvium dali «chimiju»
U sudzie Zavodskaha rajona Minska 1 červienia vyniesieny prysud palitźniavolenym siostram Janie i Taćcianie Barysovič.
Dziaŭčat abvinavacili ŭ arhanizacyi i padrychtoŭcy dziejańniaŭ, jakija hruba parušajuć hramadski paradak abo aktyŭnym udziele ŭ ich (č. 1 art 342 Kryminalnaha kodeksa), paviedamlaje «Viasna».
Spravu razhladaŭ sudździa Aleh Kalada.
Da suda dziaŭčyny ŭtrymlivalisia ŭ SIZA №1 Minska.
Studentki Jana Barysovič i Taćciana Barysovič byli zatrymanyja 22 lutaha 2022 hoda, kali ŭ kvateru, dzie jany žyli z maci, pryjšli supracoŭniki milicyi ź pieratrusam.
Jana Barysovič — studentka bijałahičnaha fakulteta MDU, Taćciana Barysovič navučajecca ŭ muzyčnym kaledžy.
Viadoma, što ich abvinavacili ŭ aktyŭnym udziele ŭ adnoj z akcyj pratestu, jakija adbyvalisia ŭ Minsku paśla vybaraŭ 2020 hoda.
Sud pryznaŭ abiedźviuch vinavatymi i asudziŭ Taćcianu Barysovič da abmiežavańnia voli z nakiravańniem va ŭstanovu adkrytaha typu terminam na try hady, Janu Barysovič na dva z pałovaj hady.
Udakładnieńnie. U pierašapačatkovaj publikacyi my paviedamili, što Janie Barysovič prysudzili try hady kałonii. «Viasna» paviedamiła, što infarmacyja była pamyłkovaj, dziaŭčyna atrymała «chimiju» i ciapier na voli da ŭstupleńnia prysudu ŭ siłu.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary