Zialenski: Ukraina nie hatovaja razhladać varyjant ekspartu zbožža praź Biełaruś
Prezident Ukrainy Uładzimir Zialenski ŭ razmovie z žurnalistami zajaviŭ, što Ukraina nie hatovaja razhladać pytańnie ekspartu ŭłasnaha zbožža praź Biełaruś.
«Što tyčycca Biełarusi: hetaja infarmacyja adkrytaja. Nam prapanoŭvali jechać praź Biełaruś čyhunkaj. My navat nie razumiejem, jaki abjom.
Ale my razumiejem, dla čaho nam heta prapanoŭvali. My pakul nie hatovyja iści pa hetym farmacie i dapamahać našym «družalubnym» susiedziam», — skazaŭ Zialenski.
Pavodle jaho, prapanova ŭładaŭ RB pa tranzicie zbožža z Ukrainy ŭ party krain Bałtyi vyhladaje davoli pryvabna, ale ŭ Ofisie prezidenta Ukrainy vydatna razumiejuć situacyju. Vahony z ukrainskim zbožžam paśla traplańnia na terytoryju Biełarusi buduć, na dumku Zialenskaha, «eksprapryjavanyja».
A najlepšymi harantyjami razbłakoŭki ŭkrainskich partoŭ dla vyvazu zbožža ŭkrainski prezident nazvaŭ supraćkarabielnyja sistemy, jakija pastaŭlajucca ŭ krainu z-za miažy.
«My pracujem nad hetym i atrymajem supraćkarabielnyja sistemy. Heta nie pahrozy. Heta buduć samyja najlepšyja harantyi».
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary