«Nas zabivajuć»: Zialenski rezka adkazaŭ na zaklik Makrona nie prynižać Rasiju
Na dumku ŭkrainskaha prezidenta, zajavy Emanuela Makrona ab prynižeńni Rasii nie vytrymlivajuć nijakaj krytyki.
«Ja nie zusim razumieju, što takoje prynižeńnie Rasii. Rasii jakoj? My pra što havorym? Pra toje, što ŭsie hetyja šmat hadoŭ, bolš za 8, jany zabivajuć našych ludziej. Pra što my havorym? Emanuel hłyboka pahružany ŭ praces, adzin ź lidaraŭ «narmandskaj čaćviorki», jon vydatna razumieje detali Minskaha dakumienta, usich damoŭlenaściej, jakija byli z rasijskim bokam u ramkach «Narmandyi-4», nievykanańnie damoŭlenaściej, pastajannyja zryvy», — adznačyŭ Zialenski.
Na jaho dumku, Ukrainu ŭ hetym pytańni nie prynižajuć.
«Ja navat nie liču, što prynižajuć Ukrainu, bo heta słabaja pazicyja. Nas nichto nie prynižaje, nas zabivajuć. Tamu my ŭ adkaz nie źbirajemsia taksama nikoha prynižać, my budziem adkazvać tym ža instrumientam», — dadaŭ prezident Ukrainy.
Nahadajem, raniej Makron zajaviŭ, što Rasiju nie treba prynižać ciapier, kab paśla zakančeńnia vajny suprać Ukrainy jana mahła vyjści z palityčnaj izalacyi. Pry hetym jon nazvaŭ vajnu histaryčnaj pamyłkaj prezidenta Uładzimira Pucina.
Kamientary