Jeŭraparłamient rekamiendavaŭ dać Ukrainie status kandydata na ŭstupleńnie ŭ ES
Jeŭradeputaty miarkujuć, što Jeŭrasajuz pavinien dać Ukrainie status kandydata na siabroŭstva ŭ ES, a taksama zabiaśpiečyć patreby krainy ŭ zbroi. Jak paviedamlaje Deutsche Welle, adpaviednaja rezalucyja pa źniešniaj, palityki biaśpieki i abarony ES na fonie ahresiŭnaj vajny Rasii suprać Ukrainy była pryniataja na plenarnym pasiadžeńni Jeŭrapiejskaha parłamienta 8 červienia.
Jaje padtrymali 438 jeŭradeputataŭ, 65 vykazalisia suprać, jašče 94 — ustrymalisia. Tamu Jeŭraparłamient rekamiendavaŭ Radzie ES pahadzicca, što «Viersalskaja dekłaracyja pryznaje jeŭrapiejskija pamknieńni Ukrainy i jaje zajaŭku na siabroŭstva ŭ ES, a taksama nadać joj status kandydata ŭ ES, jak vyrazny palityčny sihnał salidarnaści z narodam Ukrainy».
«Havorka idzie pra dekłaracyi niefarmalnaha samitu ES u Viersali, jakaja, praŭda, była vielmi aściarožnaj u farmuloŭkach i pryznała tolki jeŭrapiejskija pamknieńni Ukrainy i dadavała, što kraina naležyć da jeŭrapiejskaj siamji», — adznačaje vydańnie.
Akramia taho, jeŭradeputaty rekamiendavali «biez pramarudžańniaŭ» dać Ukrainie zbroju ŭ adpaviednaści z patrebami, vykazanymi ŭkrainskimi ŭładami, a taksama zaklikali stvareńnie śpiecyjalnaha trybunała AAN dla rasśledavańnia rasijskich złačynstvaŭ.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ3
Kamientary