Takajeŭ u prysutnaści Pucina nazvaŭ «ŁNR» i «DNR» kvazidziaržavami, jakija Kazachstan pryznavać nie budzie
Prezident Kazachstana Kasym-Žamart Takajeŭ, vystupajučy na Pieciarburhskim ekanamičnym forumie, adznačyŭ, što prava nacyj na samavyznačeńnie i terytaryjalnaja cełasnaść dziaržaŭ u sučasnym śviecie ŭvajšli ŭ supiarečnaść, tamu jon nie budzie pryznavać «DNR» i «ŁNR», jak i inšyja padobnyja ŭtvareńni
«Kali prava nacyj na samavyznačeńnie budzie realizavana, to zamiest 193 dziaržaŭ na Ziamli paŭstanie bolš za 500—600 krain. Heta budzie chaos. Pa hetaj pryčynie my nie pryznajem ni Tajvań, ni Kosava, ni Paŭdniovuju Asieciju, ni Abchaziju.
Hety ž pryncyp budzie ŭžyty i da kvazidziaržaŭnych terytoryj, jakimi, na naš pohlad, źjaŭlajucca Danieck i Łuhansk», — adkazaŭ Takajeŭ na pytańnie prapahandystki Marharyty Simańjan.
Taksama Takajeŭ zajaviŭ, što Kazachstan nie piarečyć suprać pryniaćcia Ukrainy ŭ Jeŭrasajuz.
Padčas vystupleńnia Takajeva ŭ zale prysutničaŭ i prezident Rasii Uładzimir Pucin, dla jakoha takija słovy nie mahli być pryjemnymi.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary