Kalinoviec: «Za vypadkovy streł na čałavieka nadzieli bronik z nadpisam «spytaj, čamu ja ŭ broniku» — žudasnaje pakarańnie»
Bajec pałka Kalinoŭskaha Alaksiej Łazaraŭ padzialiŭsia ŭ svaim tvitary pohladam na situacyju vakoł Cichana Klukača. Tady paviedamlałasia, što Cichan zrabiŭ pravinu: streliŭ u bok žyłoha kvartała. Na jaho było nakładziena spahnańnie, u vyniku čaho Cichan pakinuŭ połk.
«Mnie padabajucca kamientary ludziej u biełym palito, jakija asudžajuć zusim biaskryŭdnyja (i zanadta miakkija, jak pa mnie) pakarańni za surjoznyja praviny. Apišu situacyi i majo staŭleńnie da ich.
Bajec PKK ździejśniŭ vypadkovy streł i za heta jaho nadzieli ŭ bronik z nadpisam «Spytaj mianie, čamu ja ŭ broniku». Žudasnaje pakarańnie. Hetym strełam bajec moh zabić svajho pabracima. Ja sam razam z [siabroŭkaj] ledź nie staŭ achviaraj niadbałaha abychodžańnia sa zbrojaj z boku bajca TRA [terytaryjalnaj abarony]. Čałaviek vyrašyŭ, što heta dla jaho zanadta kryŭdnaje pakarańnie i syšoŭ z pałka. Usio ok, prablemy nie baču».
Taksama Łazaraŭ apisvaje druhi vypadak, jaki adbyŭsia ŭ pałku: «Bajec u formie i sa zbrojaj pajšoŭ u kramu. Hetym učynkam jon, jak minimum, parušyŭ zahad (!), jaki zabaraniaje takoje rabić. Pa-druhoje, jon takimi dziejańniami raskryŭ miesca raźmiaščeńnia našych bajcoŭ, što moža vyklikać prylot rakiety i kuču 200-ch [cmierciaŭ]».
«Ludzi staviać pad pahrozu žyćci svaich pabracimaŭ, a vy razvažajecie, nakolki takija pakarańnia darečnyja. I adznaču, u adroźnieńnie ad bajcoŭ USU, našy voiny ŭ luby momant mohuć razarvać kantrakt, kali ich niešta nie zadavalniaje. I čamuści 99% ludziej heta nie robiać», — reziumuje Łazaraŭ.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści38
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
A połk Kalinovskoho budiet osnovoj novoj armii Biełarusi.