U Šviantoi, na litoŭskaj Bałtycy, u minułuju niadzielu hramadzianin Biełarusi byŭ niezadavoleny tym, što ratavalniki paprasili jaho vyjści z vady. Kali jany syšli, mužčyna znoŭ apynuŭsia ŭ vadzie, nyrnuŭ, bolš jaho na pavierchni nichto nie bačyŭ, piša Delfi.lt
Hetaje niaščaście adbyłosia ŭ niadzielu ŭ 14.55, niedaloka ad ratavalnaj stancyi. Cieła 58-hadovaha mužčyny vyciahnuli z vady. U niadzielu na ŭsich plažach Litvy byli vyviešanyja čyrvonyja ściahi, što zabaraniaje kupańnie. Pa słovach kiraŭnika ratavalnikaŭ Jonasa Pirožnikasa, pierad niaščaściem biełarusa paprasili vyjści z vady.
«Čyrvony ściah, chvali 4 bały, ciačeńnie niasie ŭ mora. Padjechaŭ ratavalnik, papiaredziŭ mužčynu, skazaŭ — kupacca nielha. Toj spytaŭ — čamu nie visić čorny ściah. Jamu patłumačyli, što ŭ Litvie z 2004 hoda źmianiŭsia paradak i ściah — čyrvony, jaki zabaraniaje kupańnie. Ratavalnik pajechaŭ dalej, kab papiaredzić inšych adpačyvalnikaŭ, a mužčyna viarnuŭsia ŭ vadu, nyrnuŭ i źnik», — raspavioŭ ratavalnik.
Pa słovach Pirožnikasa, minułyja vychadnyja dla ich słužby byli «čornym».
«Vałasy dybaram ustajuć ad biezadkaznaści ludziej. My ŭ adzinočku nie spraŭlalisia, vyklikali palicyju. Maci vyciahnutaha na bierah ruskamoŭnaha padletka napała na nas, stała łajać za toje, što my jaho nie adpuskajem. Na plažy było niamała pjanych, jakija pasyłali ratavalnikaŭ na try litary. Ja pracuju šmat hadoŭ i dahetul nie mahu zrazumieć, što ŭ hałavie ŭ takich ludziej. Kali ciabie papiaredžvajuć, jakoha čorta ty idzieš u mora. Potym atrymlivajem taki vynik», — ździŭlaŭsia ratavalnik.
U subotu ŭ Hirulaj u Kłajpiedzie tanuli troje biełarusaŭ. Dvuch mužčyn vyratavali, treci (42-hadovy) źnik. U paniadziełak jaho cieła jašče nie było znojdzienaje.
Kamientary