Padrabiaznaści trahiedyi raskazali ŭ Dziaržaŭnym kamitecie sudovych ekśpiertyz Biełarusi. Mužčyna vyjechaŭ z Bresta, kab dapamahčy synu padčas pracy na pčalniku, jaki znachodzicca ŭ adnoj ź viosak Małaryckaha rajona.
Kali baćka i syn pačali pracavać, starejšaha mužčynu niekalki razoŭ ukusili pčoły ŭ rajon šyi i hałavy. Paciarpieły adčuŭ piakučy bol, a miescy ŭkusaŭ pačyrvanieli i zaciakli.
Paśla mužčynu stała zusim drenna. Vyklikanyja svajakami na miesca trahiedyi miedyki vyratavać paciarpiełaha nie zmahli. Reanimacyjnyja mierapryjemstvy nie mieli pośpiechu, čałaviek pamior.
Na miesca zdareńnia prybyli śledčyja i ekśpierty, jakija pryjšli da vysnovy, što śmierć adbyłasia ad anafiłaktyčnaha šoku.
Niahledziačy na toje, što pčoły ličacca vielmi karysnymi nasiakomymi, usiaho adzin ich ukus moža spravakavać mocnuju alerhičnuju reakcyju, jakaja moža mieć trahičnyja nastupstvy.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek4
Za minuły hod nasielnictva Biełarusi skaraciłasia jašče na 53 tysiačy čałaviek
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ1717
Kamientary
Nie fakt, što pčoły vinavatyja. Tut moža być indyvidualnaja ŭsprymalnaść. Pryčym jana mianiajecca ŭ adnaho j taho ž čałavieka ź ciaham času. Pa sabie viedaju: ŭ dziacinstvie žyŭ u vioscy i pčoły kusali amal štohod, a puchliny byli vializnyja. A zaraz mnie pad 40, žyvu ŭ horadzie. Toj hod ukusiła pčała, a miesca amal nie ŭspuchła. Pryčym navat džała nie dastavaŭ, bo admysłova źviarnuŭsia da pčałavoda dziela apiterapii.