U Horackim rajonie pjany padletak uhnaŭ traktar i patrapiŭ u DTZ
U Horackim rajonie pjany padletak sahnaŭ traktar i patrapiŭ na im u DTZ, paviedamili va UUS Mahiloŭskaha abłvykankama.
Učora ŭ milicyju Horackaha rajona źviarnuŭsia ŭładalnik pryvatnaj dvarovaj haspadarki z zajavaj ab sprobie ŭhonu traktara, jaki byŭ znojdzieny niepadaloku ź pierakulenym pryčepam.
Pravaachoŭniki ŭstanavili, što da ŭhonu datyčny 17-hadovy žychar Horackaha rajona. Budučy ŭ niećviarozym stanie, małady čałaviek ubačyŭ traktar z pakinutym u zamku klučom zapalvańnia. «Padletak vyrašyŭ skarystacca z vypadku i źjeździć u susiedni nasieleny punkt da svajho siabra. Ale daloka źjechać jon nie zmoh: nie spraviŭsia z kiravańniem, z-za čaho pierakuliŭsia pryčep», — adznačyli va UUS.
Paśla avaryi chłopiec spałochaŭsia i kinuŭ traktar, a sam uciok ź miesca zdareńnia.
Traktar i pryčep viernutyja ŭładalniku, a pa fakcie ŭhonu ŭzbudžanaja kryminalnaja sprava.
Kamientary