«Jany sami pryjduć da Azarava i Sachaščyka: «Havarycie, čaho nie chapaje pałku Kalinoŭskaha?» Čamu siłavy varyjant supracivu staŭ mejnstrymam
Čamu niekatoryja praciŭniki dyktatury stali abmiarkoŭvać «siłavy varyjant» supracivu, u Fejsbuku razvažaje žurnalist Vital Cyhankoŭ.
«1. Pa-pieršaje, uražvaje, jak chutka razmovy pra jaho stali faktyčna mejnstrymam. Jašče paŭhoda tamu luboha, chto tolki zaikaŭsia na hetuju temu, mahli zapisać u pravakatary i nieadekvaty. Naturalna, što hałoŭny zruch adbyŭsia i tamu, što «2 hady prajšło, a dzie vyniki», i tamu što «my pasprabavali pa-dobramu, pa-mirnamu, — nie atrymałasia. Davajcie pasprabujem pa-inšamu» i tamu, što vajna.
2. Važna paŭtaryć toje, što było skazana na kanfierencyi. «Siłavy varyjant» — heta zusim nie abaviazkova reki kryvi i hramadzianskaja vajna. Heta dla prapahandy. Usio moža abmiežavacca tolki demanstracyjaj siły i hatoŭnaści jaje prymianić.
3. Nakont achviaraŭ. Kali b režym spyniŭ svaje represii, naprykład, zimoj 2020—21-ha, i pačaŭ by tradycyjny dla siabie varyjant «razhrom-adliha», to mała ŭ kaho b uźnikali dumki pra «siłavy varyjant».
A tak ludzi zadajucca łahičnym pytańniem: «My ŭzorna mirna siabie pavodzili — nas za heta sadžajuć. Jaki sens uzorna mirna pavodzić?» I tak, heta ad adčaju, u tym liku.
4. Kali mudryja analityki kažuć pra nierealistyčnaść «siłavoha varyjanta» ź mižnarodnaha hledzišča, to z usim možna pahadzicca, z adnoj ahavorkaj — «na siońniašni dzień». Bo situacyja moža pamianiacca ŭ luby momant. Adzin prykład.
Kali Maskva ŭsio ž prymusić Łukašenku ŭvieści vojski ŭ vajnu suprać Ukrainy — jak tady budzie vyhladać realistyčnaść i pryvabnaść «siłavoha varyjanta» dla susiedziaŭ Biełarusi? Padazraju, što pry takim raźvićci padziej heta moža stać dla ich hałoŭnym i ci nie adzinym varyjantam. Jany sami pryjduć da Azarava i Sachaščyka i buduć pytacca: «Havarycie, čaho nie chapaje pałku Kalinoŭskaha?»
Takija čatyry mierkavańni vykazaŭ Vital Cyhankoŭ.
Chto taki Valeryj Sachaščyk, jaki ŭznačaliŭ siłavy błok u kabiniecie Cichanoŭskaj
Kłaskoŭski: Nie mahu prypomnić prykładaŭ, kali ŭrad u vyhnańni z-za miažy ździejśniŭ niejkija pieraŭtvareńni i skinuŭ režym
Drakachrust: Jak Paźniak raźvioŭ Sachaščyka
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary