Juryj Drakachrust u Fejsbuku piša pra situacyju vakoł damoŭlenaści Valeryja Sachaščyka i Zianona Paźniaka: «Łachoŭ takija profi, jak Zianon, zaŭsiody razvodzili i buduć razvodzić».
«Čalec pierachodnaha kabinieta Cichanoŭskaj, padpałkoŭnik zapasu Valer Sachaščyk na kanfierencyi «Novaj Biełarusi» raspavioŭ pra svaje praciahłyja razmovy ź Zianonam Paźniakom, pra jaho abiacańni padtrymać abjadnańnie biełarusaŭ, — piša Drakachrust. —
Nieŭzabavie paśla hetaha Paźniak abrynuŭsia na kanfierencyju, na jaje ŭdzielnikaŭ i naahuł vykazaŭ pažadańnie, kab «hetaja hrupoŭka była palityčna źniščanaja». Jahonaje pažadańnie było horača padtrymanaje viadomym «vołatam biełaruščyny» Ryhoram Azaronkam.
Na pieršy pohlad, vidavočnaja supiarečnaść. Miž tym nijakaj supiarečnaści niama. Jak zaŭvažyŭ kaleha Navumčyk, Paźniak nie abiacaŭ Sachaščyku padtrymać abjadnańnie biełarusaŭ «u miežach kabinieta». U pierakładzie na zvyčajnuju movu heta aznačaje, što Paźniak nie suprać, a navat za toje, kab skarystać spadara Sachaščyka ŭ jakaści svajho trajanskaha kania ŭ miežach stvoranaj na kanfierencyi kiroŭnaj struktury. Spadar Valer pa svaim žyćciovym dośviedzie nie viedaje, jakoje hniłovišča ŭjaŭlaje saboj biełaruskaja palityka.
Jon albo zrazumieje i budzie hulać pa jaje praviłach, albo jaho źjaduć z haŭnom. Varyjant, što jon, jak maryŭ Prakopjeŭ, stanie Čerčylem i zadaść svaje praviły joj, mnie ŭjaŭlajecca małajmaviernym. Dyj
aŭtentyčny Čerčyl byŭ jak raz hrosmajstram brytanskaj palityki, a nie navičkom u joj, jakim źjaŭlajecca ŭ biełaruskaj palitycy spadar Sachaščyk, jaki zusim daremna hanarycca hetaj svajoj u joj navičkovaściu.
Pryhadvajecca, jak u 1999 hodzie Viktar Hančar prydumaŭ alternatyŭnyja vybary prezydenta. I zdoleŭ uhavaryć udzielničać u ich eks-premjera Michaiła Čyhira i Paźniaka. Paźniak zhadziŭsia. Pra chadu taho šou i svaje acenki jaho saramliva pramaŭču.
Ale pieramožcam byŭ abvieščany Paźniak. Jaki dezavujavaŭ tuju avanturu jak łubianskuju padstupnuju intryhu. I patłumačyŭ, što ŭziaŭ u joj udzieł adno dla taho, kab vykryć jaje.
Ščyraje pamknieńnie Valera Sachaščyka całkam zrazumiełaje. Ale miarkuju, što i jaho čakaje sumny los akazacca łubianskim ahientam i durniem.
Usio ž chto b što ni kazaŭ, a Paźniak — prafiesijny palityk, palityčnaja žyvioła pavodle Arystotela. I łachoŭ, jakija durać hałavu sabie i inšym, što, maŭlaŭ, jany nie palityki, a prosta mima išli i dušoj za baćkaŭščynu chvarejuć, takija profi, jak Zianon, zaŭsiody razvodzili i buduć razvodzić.
Maje ŭłasnyja acenki metaŭ palityki palityka Paźniaka ja pakinu za dužkami, jany tut nasamreč i nie majuć značeńnia».
[Pieršapačatkova post byŭ pieriekazany. Pry pierakazie ŭ adnym sa skazaŭ zamiest «miarkuje Drakachrust» było pamyłkova napisana «Miarkuje Navumčyk». Prosim prabačeńnia za hetuju pamyłku. My zamianili paźniej tekst na aryhinał całkam. — NN]
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA4
Kamientary