U Hrodnie piensijanierku asudzili da dvuch hadoŭ «chatniaj chimii» za łajk karykatury na Łukašenku
Cud Kastryčnickaha rajona Hrodna vynies rašeńnie pa spravie Taćciany Maciajeŭskaj, jakuju abvinavacili ŭ abrazie Łukašenki pavodle č. 1 art. 368 KK. Spravu razhladaŭ sudździa Uładzimir Paźniak, piša «Viasna».
Viadoma, što abvinavačanaja rodam z Abchazii. Žančynie 61 hod, jana ŭžo na piensii, ale pracuje sanitarkaj u miascovym domie-internacie, dzie pra jaje dobra adhukajucca i jak pra čałavieka, i jak pra supracoŭnicu. Taćcianu Anatoleŭnu abvinavacili ŭ tym, što 12 žniŭnia 2020 hoda i 21 kastryčnika 2021 hoda jana łajknuła ŭ adnakłaśnikach karykaturu na Łukašenku.
Svajoj viny žančyna na sudzie nie admaŭlała, pry hetym bok abvinavačvańnia nastajaŭ na tym, što heta jašče i «praciahłaje złačynstva». Niby paśla taho, jak žančyna pastaviła łajk, hetaja karykatura pačała pakazvacca jašče i na jaje staroncy. Padčas sprečak hetuju charaktarystyku prakuror usio ž vyklučyŭ, zapatrabavaŭšy ŭ jakaści pakarańnia dla abvinavačanaj 2,5 hoda «chatniaj chimii».
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary