U śniežni 2020 hoda sud pryznačyŭ palitviaźniu dva hady kałonii. Termin Andrej adbyvaŭ u papraŭčaj kałonii №22 (Voŭčyja nory). 21 žniŭnia palitviazień całkam adbyŭ termin i vyjšaŭ na volu, piša «Viasna».
48-hadovy Andrej Cimafiejenka — žychar Viciebska, jakoha abvinavacili ŭ hvałcie ŭ dačynieńni da supracoŭnika MUS padčas «Maršu adzinstva». Pavodle viersii abvinavačvańnia, 6 vieraśnia 2020 hoda ŭ Viciebsku Cimafiejenka ŭziaŭ aktyŭny ŭdzieł u «niesankcyjanavanym vuličnym šeści». Svaimi dziejańniami jon nibyta pieraškadžaŭ dziejnaści načalnika adździaleńnia ŭnutranych vojsk Vierabjova i namahaŭsia spravakavać jaho na vykarystańnie fizičnaj siły.
Akramia taho, pavodle prakuratury, dziejańni Cimafiejenki «paciahnuli za saboj pryčynieńnie istotnaj škody dziaržaŭnym intaresam u vyhladzie padryvu aŭtarytetu i honaru pravaachoŭnych orhanaŭ».
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary