Nielha pierasadžvacca za inšuju partu, zvanić tolki rodnym: jakija praviły prapisali ŭ školnym dziaržstandarcie
Ź vieraśnia va ŭsich škołach krainy ŭvodzicca Dziaržaŭny školny standart. Voś jaho asnoŭnyja momanty.
Hety dakumient rehłamientuje pytańni arhanizacyi adukacyjnaha pracesu i ŭzajemaadnosin vučniaŭ i nastaŭnikaŭ.
Naprykład u im prapisanyja niuansy karystańnia mabilnymi telefonami.
Tak, školniki padčas zaniatkaŭ pavinny vyklučać huk na telefonach i pakidać ich u śpiecyjalnych skrynkach. Na ŭroku zazirnuć u mabilnik možna tolki z dazvołu nastaŭnika, a na pierapynku telefanavać svajakam mahčyma tolki ŭ vypadkach nieadkładnaj nieabchodnaści. Zdymać na videa biez dazvołu nastaŭnika zabaroniena.
Kali školnik parušyć praviły, daviadziecca pisać tłumačalnuju. Pry paŭtornym parušeńni telefon zabiaruć i viernuć tolki paśla razmovy dyrektara z baćkami.
Taksama dzieciam nielha pierasadžvacca za inšuju partu biez dazvołu nastaŭnika, pakidać ustanovu adukacyi da zakančeńnia vučebnych zaniatkaŭ biez ŭzhadnieńnia.
Prapisana, što na ŭrokach i pierapynkach nielha hulać u azartnyja hulni i «pravodzić apieracyi śpiekulacyjnaha charaktaru».
Dzieci taksama abaviazany ŭdzielničać u mierapryjemstvach hramadska karysnaj pracy.
U dakumiencie zamacavany pravy i abaviazki piedahahičnych rabotnikaŭ. Naprykład, prasoŭvać zdarovy ład žyćcia. Nielha zajmacca repietytarstvam, kali heta pryvodzić da kanfliktu intaresaŭ.
I nijakaj palityki.
«Piedahahičnym rabotnikam zabaraniajecca vykarystoŭvać adukacyjny i vychavaŭčy pracesy ŭ palityčnych metach abo dla prymušeńnia navučencaŭ da dziejańniaŭ, jakija supiarečać Kanstytucyi Respubliki Biełaruś i aktam zakanadaŭstva», — skazana ŭ dziaržstandarcie.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ1
Kamientary