Нельга перасаджвацца за іншую парту, званіць толькі родным: якія правілы прапісалі ў школьным дзяржстандарце
З верасня ва ўсіх школах краіны ўводзіцца Дзяржаўны школьны стандарт. Вось яго асноўныя моманты.
Гэты дакумент рэгламентуе пытанні арганізацыі адукацыйнага працэсу і ўзаемаадносін вучняў і настаўнікаў.
Напрыклад у ім прапісаныя нюансы карыстання мабільнымі тэлефонамі.
Так, школьнікі падчас заняткаў павінны выключаць гук на тэлефонах і пакідаць іх у спецыяльных скрынках. На ўроку зазірнуць у мабільнік можна толькі з дазволу настаўніка, а на перапынку тэлефанаваць сваякам магчыма толькі ў выпадках неадкладнай неабходнасці. Здымаць на відэа без дазволу настаўніка забаронена.
Калі школьнік парушыць правілы, давядзецца пісаць тлумачальную. Пры паўторным парушэнні тэлефон забяруць і вернуць толькі пасля размовы дырэктара з бацькамі.
Таксама дзецям нельга перасаджвацца за іншую парту без дазволу настаўніка, пакідаць установу адукацыі да заканчэння вучэбных заняткаў без ўзгаднення.
Прапісана, што на ўроках і перапынках нельга гуляць у азартныя гульні і «праводзіць аперацыі спекуляцыйнага характару».
Дзеці таксама абавязаны ўдзельнічаць у мерапрыемствах грамадска карыснай працы.
У дакуменце замацаваны правы і абавязкі педагагічных работнікаў. Напрыклад, прасоўваць здаровы лад жыцця. Нельга займацца рэпетытарствам, калі гэта прыводзіць да канфлікту інтарэсаў.
І ніякай палітыкі.
«Педагагічным работнікам забараняецца выкарыстоўваць адукацыйны і выхаваўчы працэсы ў палітычных мэтах або для прымушэння навучэнцаў да дзеянняў, якія супярэчаць Канстытуцыі Рэспублікі Беларусь і актам заканадаўства», — сказана ў дзяржстандарце.
Цяпер чытаюць
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19
Каментары