U Polščy zatrymali žychara Hdańska, jaki zabraŭ u biełarusa mašynu
U polskim Hdańsku paśla stralby i pahoni zatrymali 26-hadovaha miascovaha žychara, jaki ździejśniŭ razbojny napad na hramadzianina Biełarusi i skraŭ aŭtamabil. Pra heta paviedamlaje tutejšaja palicyja, paviedamlaje belmir.by.
Incydent adbyŭsia 19 vieraśnia. Kala 03.30 palicejskija atrymali paviedamleńnie ab uzbrojenym rabavańni: nieviadomy, jakoha padvoziŭ na svaim Subaru naš suajčyńnik, staŭ pahražać jamu nažom i zahadaŭ vyjści z mašyny, a zatym pierasieŭ na kiroŭčaje siadzieńnie i źjechaŭ.
Infarmacyju pieradali ŭsim patrulam, byŭ uviedzieny anałah płana «Pierachop». Paśla 04.00 adzin z ekipažaŭ zaŭvažyŭ skradzieny aŭtamabil na adnoj z vulic. Uklučyŭšy śvietłavyja i hukavyja sihnały, vartavyja paradku zastupili jamu šlach i zahadali kiroŭcu vyjści.
Adnak mužčyna nie padparadkavaŭsia instrukcyjam, a naadvarot, rezka nakiravaŭ transpartny srodak u bok adnaho z pravaachoŭnikaŭ, majučy namier źbić jaho. Toj adskočyŭ u bok, a Subaru pačaŭ źjazdžać.
Palicyja adkryła ahoń pa mašynie, a zatym pačała pieraśledvacm. Padčas pieraśledu Subaru urezaŭsia ŭ aharodžu, mužčyna kinuŭ mašynu i ŭciok.
Niepadalok ad sahnanaha Subaru vyjavili žančynu, jakaja, jak vyśvietliłasia, jechała razam z zhonščykam. Jana była paranienaja ŭ nahu i była pad nahladam palicyi adpraŭlena ŭ balnicu.
Samoha napadnika aryštavali prykładna a 06.00 u haradskim pramysłovym rajonie Letnica. Paśla pravierki danych mužčyny stała viadoma, što jon taksama adšukvajecca pa spravie ab kradziažy z uzłomam.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary