Śviet1212

«Nas provieriajut, miestnyje my ili niet. Prosiat skazať «čučinŝina». Što pišuć u čatach rasijan, jakija chavajucca ŭ Biełarusi?

Abvieščanaja ŭ Rasii mabilizacyja spravakavała masavyja ŭcioki žycharoŭ u susiednija krainy. Biełaruś adna ź ich. Niamała rasijan razhladajuć jaje jak miesca, dzie možna pieračakać niebiaśpiečnyja časy na radzimie abo adkul možna vyjechać u treciuju krainu.

Minski vakzał staŭ dla mnohich rasijan bramaj u inšaje žyćcio. Fota z sacyjalnych sietak

U sacyjalnych sietkach źjavilisia admysłovyja čaty, u jakich rasijanie abmieńvajucca łajfchakami i infarmacyjaj. Adzin z takich čataŭ nazyvajecca «Hranica RF-RB Čat».

Samaje častaje ŭ im pytańnie — pra staŭleńnie biełarusaŭ da rasijan.

«Nianaviść da ruskich, ci jość u vas u RB, asabliva, da tych chto ŭciakaje ad «mahilizacyi»?» — cikavicca ŭdzielnik čatu.

«Usim pofihu, aby pavodzili siabie spakojna i adekvatna», — adkazvajuć jamu.

«A kab žyć u Biełarusi, ci treba viedać biełaruskuju movu?» — pytajecca rasijanin.

«Kali ty ŭ Biełarusi havoryš na biełaruskaj movie, to naadvarot mohuć być prablemy», — zaścierahajuć hościa ad asablivaściej łukašyzmu.

«Vyvučycie chacia b bazavyja słova: dziakuju, kali łaska, vitaju, da sustrečy», — rajać jamu.

Niekatoryja rasijanie čakajuć, što ŭ Biełarusi ich buduć vyznačać pa havorcy.

«A jašče nas praviarajuć tutejšyja, — adznačajecca ŭ adnym z dopisaŭ. — Prosiać skazać «čučinŝina», albo niešta takoje. Aściarožna».

U jašče adnym rekamiendacyja, jak słušna nazyvać krainu.

«Biełarus i Biełaruś, a nie «Biełarusija», bo adrazu «paleva», — padkazvajuć haściam z susiedniaj krainy.

Jašče adzin supakojvaje.

«Oj bač. Jany za hadzinu zahekajuć i zadziekajuć. Maje ŭžo «kali łaska» navučylisia havaryć», — piša inšy karystalnik.

Bolšaści rasijskich udzielnikaŭ čatu Biełaruś padajecca jeŭrapiejskaj krainaju z haścinnym narodam.

«Ludzi tut ščaślivyja niejkija, zyčlivyja, adrazu vidać, što jeŭrapiejskaha ŭ ich šmat», — adznačaje adzin z kamientataraŭ, jaki apaviadaje pra svaje pieršyja kantakty ź biełarusami.

«My realna duža adstali ad zachodniaj cyvilizacyi ŭ maralnym płanie», — kanstatuje jon.

Jašče adzin udzielnik čatu, paraŭnoŭvajučy noravy ŭ Rasii i Biełarusi, narakaje, što na radzimie «jaho ŭ kramie pa dva razy na dzień mahli pasłać», a tut, kaža jon pra Biełaruś, «vietlivyja ŭsie».

«Navat nastroj sam lepšaje i čaściej uśmichacca pačynaješ», — adznačaje jon.

Nie ŭsie biełaruskija ŭdzielniki čatu hatovyja prymać haściej z susiedniaj krainy.

«Nie chaču ja z raspaściortymi abdymkami sustrakać ludziej, jakim 6 miesiacaŭ było «s…ć» na vajnu, — havorycca ŭ adnym sa złych dopisaŭ. — Tyja, chto suprać vajny, vychodzili na płoščy. Takich ludziej ja rada bačyć i dapamahać».

Na taki dopis niekatoryja ahryznulisia.

«Im treba dapamahać, a nie svaje niejkija niezrazumiełyja pretenzii vykazvać. Chočacie vykazvać, pišycie ŭ Kreml. Zvyčajnyja ludzi ni pry čym», — adznačana ŭ adnym z kamientaroŭ.

«Biahuć jakraz tyja, chto nie choča nikoha «vyzvalać», i padmacoŭvaje svaju pazicyju dziejańniami — uciakajučy, kinuŭšy ŭsio svajo žyćcio, jakoje dziesiacihodździami vybudoŭvali», — davodzić svajo bačańnie situacyi inšy ŭdzielnik čatu.

«U cełym da vas pryjedzie šmat turystaŭ i heta mocna prastymuluje vašu ekanomiku», — arhumientuje karyść ad napłyvu haściej rasijanin.

Nie ŭsie, adnak, jaho ziemlaki ŭpeŭnienyja, što Biełaruś dla ich paratunak. Takija ličać, što «Łukašenka budzie zdavać ruskich».

«Ja prosta sprabuju zrazumieć metazhodnaść pierajezdu, — tłumačyć rasijanin, jaki choča źjechać z Rasii. — Nie ŭpeŭnieny, što ŭ Biełarusi budzie našmat biaśpiečniej, čym u Rasii».

Čytajcie taksama:

Na miažy Rasii ź Biełaruśsiu — pravierki i zatory, šukajuć mabilizavanych

«Humanitarnaja katastrofa! Razdaŭ uciekačam z Rasii pradukty, jakija ŭ mianie byli». Jak biełarus trapiŭ u piekła na rasijska-hruzinskaj miažy

«Kali rasijanie ŭžyvuć stratehičnuju jadziernuju zbroju, ad Rasii ničoha nie zastaniecca». Amierykanski analityk apisvaje scenaryi raźvićcia padziej, Łukašenku jon ličyć zakładnikam, a nie maryjanietkaj

Kamientary12

  • čukčińŝina
    29.09.2022
    chaj spačatku vymaviać Ščučynščyna. z našym zaćviardziełym "č" i ŭsio takoje. hetaha im nie vymavić nikoli
  • Juzik sa stancyi Kruleŭščyna
    29.09.2022
    — Prosiać skazać «čučinŝina», albo niešta takoje.

    Padyjšli niemcy da Ščučyna... Treba šyldu stavić. Schtschutschin. Kabździec! -- padumali niemcy. Lepš hety horad pierajmienavać, albo spalić! Nie viedała tady niemčura, što jość jašče takoje słova jak -- Schtschutschinschtschina!
  • antiśvieta
    29.09.2022
    Juzik sa stancyi Kruleŭščyna,))) vy zrabili maju noč. nie - noč i dzień. nie - tydzień. hety aniekdot pojdzie ŭ narod)

    p.s. a ja ŭsio dumaju - chto aniekdoty sačyniaje? kažuć - narod-narod. a heta akazvajecca Juzik Kruleŭski sačyniaje aniekdot)

Ciapier čytajuć

Kiraŭnik Lidy zaklikaŭ siłavikoŭ nie spyniać palityčnych represij24

Kiraŭnik Lidy zaklikaŭ siłavikoŭ nie spyniać palityčnych represij

Usie naviny →
Usie naviny

U MNS raspaviali pra nastupstvy ŭčorašniaj niepahadzi: paškodžańni, padtapleńni, pavalenyja drevy1

Pad Minskam učora bačyli śmierč

Čas dla vialikaha nastupu Rasii: jakimi mohuć być «apošnija 50 dzion vajny»3

Aŭtobus Minsk — Vilnia źjechaŭ u kiuviet u Vałožynskim rajonie

Dla haradžan — pieramoha, dla viaskoŭcaŭ — trahiedyja. Što pakazała dziaržaŭnaje apytańnie pra Druhuju suśvietnuju vajnu23

Achova i dziasiatki ludziej u kamandzie: za što žyvie Ofis Cichanoŭskaj u Vilni?42

Užo ŭ adzinaccać hadoŭ? Va ŭsim śviecie ŭzrost pačatku pieršych miesiačnych praciahvaje maładzieć7

Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu18

«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ3

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnych represij24

Kiraŭnik Lidy zaklikaŭ siłavikoŭ nie spyniać palityčnych represij

Hałoŭnaje
Usie naviny →

Zaŭvaha:

 

 

 

 

Zakryć Paviedamić