Ułady Kazachstana adchilili patrabavańnie Rasii vysłać ambasadara Ukrainy ŭ Astanie, a pasła Rasii vykličuć u MZS Kazachstana
U MZS Kazachstana adkazali na zajavu MZS Rasii pra nieabchodnaść vysłać ukrainskaha pasła i navat pryciahnuć jaho da kryminalnaj adkaznaści.
Napiaredadni ambasadara Kazachstana Jarmieka Kašarbajeva vyklikali ŭ Ministerstva zamiežnych spraŭ Rasii praź situacyju z ukrainskim ambasadaram u Astanie Piatrom Urubleŭskim. U žniŭni ŭ sacyjalnych sietkach źjaviłasia videa, na jakim ukrainski dypłamat zajaviŭ, što kijeŭski režym imkniecca zabić jak maha bolš rasijan.
Siońnia MZS Kazachstana prakamientavała spravu.
«My nie možam zrazumieć, pra jakuju kryminalnuju adkaznaść kaža pradstaŭnik MZS Rasii, tamu što pasoł Ukrainy ŭ Kazachstanie, zhodna ź Vienskaj kanviencyjaj, maje dypłamatyčnuju niedatykalnaść», — skazaŭ pradstaŭnik Ministerstva zamiežnych spraŭ Kazachstana Ajbiek Smadyjaraŭ, pieradaje Tengrinews.kz.
Pasła Rasii ŭ Kazachstanie vykličuć u MZS paśla «sprečnych zajaŭ» aficyjnaha pradstaŭnika źniešniepalityčnaha viedamstva Rasii.
«Tanalnaść zajaŭ Maryi Zacharavaj adnosna vysyłki ŭkrainskaha ambasadara z Kazachstana, na naš pohlad, dysanuje z charaktaram sajuźnickich uzajemaadnosin Kazachstana i Rasii jak raŭnapraŭnych stratehičnych partnioraŭ», — zajaviŭ Smadyjaraŭ, adkazvajučy na pytańni žurnalistaŭ.
Nakont zajaŭ Urubleŭskaha MZS Kazachstana paviedamiła, što «ŭkrainskamu boku było zajaŭlena ab nieadpaviednaści padobnych vykazvańniaŭ pracy ambasadara».
«Ukrainski bok z razumieńniem pryniaŭ heta. Była dasiahnutaja damoŭlenaść ab jaho adklikańni. Ciapier ad MZS Ukrainy atrymany zapyt na pryznačeńnie novaha ambasadara», — skazaŭ pres-sakratar MZS Kazachstana Ajbiek Smadyjaraŭ.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary