U Frankfurcie-na-Majnie prajšła žarabjoŭka kvalifikacyi Jeŭra-2024. U joj pryniali ŭdzieł 53 nacyjanalnyja asacyjacyi. Zbornaja Biełarusi trapiła ŭ hrupu «I» z kamandami Šviejcaryi, Izraila, Rumynii, Kosava i Andory, paviedamlaje «Presboł».
U ramkach losavańnia 9 kastryčnika zbornyja raźbityja na 10 hrup: u siami hrupach pa 5 kamand, u troch — pa 6. Hiermanija, jakaja budzie haspadyniaj Jeŭra-2024, atrymała pramuju pucioŭku ŭ finalnuju stadyju i nie pryniała ŭdziełu ŭ losavańni adboračnaha turniru.
Pieramožcy i ŭładalniki druhich miescaŭ u hrupach vyjduć u finalnuju stadyju Jeŭra-2024. Uładalniki troch apošnich z 24 puciovak vyznačacca ŭ stykavych matčach, udzielniki jakich stanuć viadomyja pa vynikach Lihi Nacyj-2022/23.
Hrupa A: Ispanija, Šatłandyja, Narviehija, Hruzija, Kipr.
Hrupa B: Niderłandy, Francyja, Irłandyja, Hrecyja, Hibrałtar.
Hrupa C: Italija, Anhlija, Ukraina, Paŭnočnaja Makiedonija, Malta.
Hrupa D: Charvatyja, Uels, Armienija, Turcyja, Łatvija.
Hrupa E: Polšča, Čechija, Ałbanija, Farery, Małdova.
Hrupa F: Bielhija, Aŭstryja, Šviecyja, Azierbajdžan, Estonija.
Hrupa G: Vienhryja, Sierbija, Čarnahoryja, Bałharyja, Litva.
Hrupa H: Danija, Finlandyja, Słavienija, Kazachstan, Paŭnočnaja Irłandyja, San-Maryna.
Hrupa I: Šviejcaryja, Izrail, Rumynija, Kosava, Biełaruś, Andora.
Hrupa J: Partuhalija, Bośnija i Hiercahavina, Isłandyja, Luksiemburh, Słavakija, Lichtenštejn.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary