Pieršy enierhabłok BiełAES usio jašče nie padklučyli paśla ramontu
Płanava-papieradžalny ramont pieršaha enierhabłoka Biełaruskaj atamnaj elektrastancyi zaciahvajecca. Tamu terminy jaho ŭklučeńnia ŭ sietku skarektavanyja, cytuje BiełTA słovy ministra enierhietyki Viktara Karankieviča.
Ramont pačaŭsia ŭ krasaviku hetaha hoda. Ministr padkreśliŭ, što zaviaršalny etap pierad uklučeńniem u sietku vielmi važny i adkazny, patrabuje šmatrazovych pravierak. Treba pierakanacca, što «ŭsio abstalavańnie i technałahičnyja sistemy buduć nadziejna pracavać da nastupnaha płanavaha ramontu». Mienavita hetyja dadatkovyja raboty i dyjahnostyka abstalavańnia vymusili, maŭlaŭ, pieranieści terminy.
Pry hetym varta adznačyć, što pra zaviaršeńnie płanava-papieradžalnaha ramontu, jaki zamiest zapłanavanych 80 dzion zaniaŭ 119, było abjaŭlena jašče ŭ žniŭni.
Viktar Karankievič nie ŭdakładniŭ, kali płanujecca ŭvod druhoha enierhabłoka BiełAES, ale dadaŭ, što ŭžo viaducca puskanaładačnyja raboty. Abjekt, pavodle ministra, hatovy na 97%.
Pry hetym urad užo stroić płany ŭźviadzieńnia dadatkovych enierhabłokaŭ u addalenaj pierśpiektyvie. A elektraenierhiju, jakaja budzie vypracoŭvacca ŭ budučym, maje namier puścić u tym liku na raźvićcio inavacyjnych śfier, takich jak elektratranspart i majninh.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary