Telekanał «Hrodna Plus» vypuściŭ pakajanny zvarot u suviazi sa zhadkaj u svaim efiry Juryja Dudzia
Pra papularnaha rasijskaha viadučaha i błohiera zhadali ŭ efiry 11 kastryčnika ŭ pieradačy «Asoba dnia», u jakoj raskazvajecca pra dziejačaŭ, jakija ŭ hety dzień naradzilisia. Pavodle redakcyi, u efir trapiŭ archiŭny zapis za 2019 hod, a z 2020 hoda «idzie havorka tolki pra savieckich i biełaruskich» dziejačaŭ, jakija «nie majuć dačynieńnia da antydziaržaŭnych pohladaŭ».
«Redakcyja nie padzialaje pohladaŭ dadzienaha hieroja, jakija jarka vykazalisia ŭ dačynieńni da našaj krainy paśla 2020 hoda. My dziakujem našym telehledačam za pilnaść. Padobnaja infarmacyja nie maje miesca być u efiry dziaržaŭnaha telekanała», — kajecca pierapałochanaja redakcyja.
«Inžynier videamantažu, jakaja dapuściła takoje ŭ efir, pakaranaja», — havorycca ŭ paviedamleńni.
Vyhladaje, što suprać zhadak u dziaržaŭnym efiry «niepažadanych asob» pačałasia cełaja kampanija. Učora ŚMI stała taksama viadoma pra zvalnieńnie troch supracoŭnikaŭ homielskaj dziaržaŭnaj radyjostancyi. Pa słovach siabra adnaho ź ich, heta adbyłosia taksama z pryčyny zhadki ŭ efiry Juryja Dudzia.
Čytajcie taksama:
U Homieli zvolnili «za palityku» niekalkich supracoŭnikaŭ dziaržaŭnaha radyjo
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary