Užo na hetym tydni.
Siaredniaja tempieratura pavietra ŭ vierasni skłała plus 13—15 hradusaŭ, što na 1—3 hradusy vyšej za klimatyčnuju normu.
Taki ciopły vierasień u Biełarusi byvaje tolki raz u 10 hadoŭ, paviedamiła hałoŭny sinoptyk Respublikanskaha hidramieteacentra Volha Fiadotava.
Apadki ŭ Biełarusi ŭ vierasni mieli karotkačasovy charaktar i raźmiarkoŭvalisia pa terytoryi respubliki nieraŭnamierna. U paŭnočna‑zachodniaj pałovie Biełarusi kolkaść apadkaŭ adpaviadała 1‑1,5‑miesiačnaj normie. U toj ža čas u paŭdniova‑ŭschodniaj pałovie respubliki i na zachadzie Bresckaj i Hrodzienskaj abłaściej apadki nie pierasiahnuli 14—39 mm, što adpaviadaje 25—75 pracentam miesiačnaj normy. Vieraśnioŭski rekord naležyć Vierchniadzvinsku, dzie za miesiac vypała 156 mm.
Kastryčnik ustupiŭ u svaje pravy chałodnym i vietranym nadvorjem, jakoje zachavajecca i ŭ najbližejšyja dni.
Pieršaja dekada budzie charaktaryzavacca niaŭstojlivym nadvorjem: projduć daždžy, u paŭnočnych rajonach krainyi ŭ načny i ranišni čas nie vyklučany mokry śnieh.
Tempieratura pavietra ŭnačy budzie vahacca ad nula da plus 5 hradusaŭ, u mnohich rajonach čakajucca zamarazki da minus 1—3 hradusaŭ.
Pieravažnaja dzionnaja tempieratura składzie 5—13 hradusaŭ ciapła.
Zredku ŭ asnoŭnym pa poŭdni respubliki pavietra budzie prahravacca da 14—17 hradusaŭ.
Kamientary