Avaryja zdaryłasia 27 kastryčnika pamiž Žodzinam i Smalavičami ŭ rajonie pasiołka Plisa, paviedamlaje «Zierkała».
Jak raspaviała čytačka, jakaja žyvie ŭ Žodzina, paśla ŭčorašniaha zdareńnia jana tak i nie adčyniała akno — kaža, nie chočacca ryzykavać.
«Jak pačuła ŭčorašniuju navinu, tak i nie vychodziła na vulicu, nie adčyniała vokny. U mianie maleńkija dzieci, nie chočacca padviarhać ich niebiaśpiecy, — kaža surazmoŭca. — Ludzi, viadoma, vielmi pieražyvali, pisali ŭviečary ŭ čatach horada. Ale siońnia tam usio vydalenaje: admina hrupy «paprasili» pačyścić».
Na skrynšotach ź miascovych čataŭ, jakija zastalisia ŭ dziaŭčyny, u 22.36 pisali, što na adnym z pradpryjemstvaŭ u pasiołku Plisa adbyłasia ŭciečka amijaku. Žycharam raili nie adčyniać vokny da abiedu 28 kastryčnika i pa mahčymaści nie vychodzić na vulicu.
Praz paŭhadziny jašče adzin udzielnik čata, vierahodna, jaki pražyvaje ŭ Plisie, apisaŭ svoj stan: «Ačah u nas. U rocie dziŭny prysmak, dziare nos i horła». Pavodle jaho słoŭ, supracoŭniki MNS na pytańni miascovych adkazvali, što kancentracyja amijaku ŭ miežach normy.
U abłasnym adździaleńni MNS paćvierdzili, što avaryja była, ale zaklikali nie pieražyvać.
— Učora ŭ Smalavickim rajonie była nievialikaja avaryja, jana likvidavanaja. Tamu ciapier usio pracuje ŭ štatnym režymie. Viadoma, možna adčyniać vokny i dychać śviežym pavietram.
Va ŭstanovie pa zachoŭvańni materyjalnych kaštoŭnaściaŭ «Zachodni» paćvierdzili, što sapraŭdy adbyłasia mienavita tam.
— Była nievialikaja kolkaść amijaku. <…> Usia avaryja łakalizavanaja, likvidavanaja z dapamohaj MNS. Usio likvidavana, i ciapier adpaviednyja orhany zajmajucca razhladam. U nas usio narmalna, nie chvalujciesia.
«Ja nie viedaju, heta ž technika. Usiakaje moža być. Moža, prylacić niešta da nas z poŭdnia, z poŭnačy — bačycie, jakaja ciapier abstanoŭka. Ale ŭ nas va ŭstanovie usio pracuje ŭ štatnym režymie», — dadaŭ śpiecyjalist.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary